Kan nunnak Bawipa

Voikhatnak Bible - Hebrews 2:5-12

Thawngtha Bia   - Mark 1:21-28

“Nazareth khuami Jesuh, zeidah na kan duhnak a um? Kanmah hrawh duh ah maw na rat? Nangmah cu Pathian lamkaltu a thiangmi na si kha kan hngalh ko tung” tiah a ti. (Mk 1:22)

• Nihin thawngtha kan rel, kan theih mi kan zoh tikah, Bawipa nih khuavang nih a tuahmimipa pakhat a damter nak kong kan hmuh. Mah mipa hi pumhnak innchungah a um ve i Bawipa cawnpiak nak thawngtha bia a ngeih ve zong kan hmuh (Luke 4:33).
• Tuni kan chan kal ning le um tu ning kan zoh than tikah khuavang bantuk a si mi thil tampi kan i pumhnak hmun chungah kan hmuh khawh. Zeibantuk khi dah an si hnga kan ti a si ah cun, pumh caan ah tha tein Pathian bia ngaih duh lo in a phung men in i pumh sawh te hna, phone lawng zoh te hna, a thli te in pakhat le pakhat i chawnh te hna, pakhat le pakhat i ton duh men ruangah a phung men in pumh te hna,…. Hi bantuk hna hi chanthar khuavang tha lo an si ko.
• Mark hi kan Bawipa Jesuh Khrih he a rak tlong leng mi a si lo. Sihmahsehlaw, a gospel chungin langhter a duh mi cu: “Jesuh Khrih cu cawnpiaktu dang hna he aa lawh lo nak kha a langhter duh nak a si”. “Phungbia cawnpiaktu saya pawl nih an cawnpiak hna bantuk khan si loin hmual ngei ngaiin a cawnpiak hna caah an khuaruah a har”(Mk1:22).
• Bawipa hmai ah cun that lonak vialte a ther in an ther dih. Khuavang nih a tuah mipa zong nih dam nak a hmuh than nak sining kha mipi nih an hmuh tikah Bawipa cu an thangthat cio. Bawipa nih a tuah mi thil vialte cu Pathian sunpar lianngannak ca lawng ah an si.
• Kan nih hna zong nih thil tha kan tuah ser nak hna cungah ruam kai ding zeihmanh a um lo. Pathian sunpar lian ngannak ca lawngah hmuitinh ding a si. Kan nih pakhat cio zong kan tlamtlin lo nak tampi a um cio ko. Bawipa sinah ap hna u sih.
• Thla kan cam hnga ding mi cu: “Maw Bawipa, Taksa lei damnak le thlarau lei thianhlimnak run kan pek ko sawh” tiin thlacam hna u sih.