Lam dawh hmuhsak

Voikhat Bible relnak _ Hebrews 5:1-10

Thawngtha Bia  - Mark 2:18-22

• Nihin kan rel kan theih mi thawngtha bia cu rawl ulhnak kong a si. cun a hlun mi hnipuan ah a thar mi thil belh phung a si lo bangin a hlun mi saphaw dur chungah a thar mi mitsurhang rawn phung a si lo nak kong zong kan hmuh.
• Bawipa nih rawl ulh zungzal ding in a kan hal lo. Bu kip nih an hman cio mi rawl ulhnak hi ni (40) chung Amah Pathian hrimhrim nih a rak tuah ve mi a si. Sihmanhsehlaw, a zultu hna kha amah bangin tuah ve dingin a fial hna lo. Ruahnak thar in mission rian tuan ding tu kha a fial hna. zalong tein tuah khawhnak le thim khawhnak cu a rak pek tak tak ko hna.
• Midang sual phawt lo in Amah hrimhrim nih thatnak lam a kan hmuhsak i nunzia dawh lam a kan hmuhsak. Midang nih sual phawtnak bia siseh, biafoihnak an tuah zongah thatnak le ning cang thil sining tu in a leh tawn hna.
• Pakhat cio kan nunnak ah Jesuh bangin midang cungah lam dawh le dawtnak lam nunzia kan langhter kho ve hnga maw?
• Thla kan cam hnga ding mi cu: “Maw Bawipa, midang cungah dirkamh tu tha ka si ter hram ko sawh” tiin thla cam hna u sih.