Leelan Tuukhal

Lelaan Tuukhaal
60.     Phaisa duh in Pathian rian a `tuanmi hna cu Balaam a rak zawh mi lam kha an taksa pumpaluk in an pek caah Balaam zultu an si. Lahkhah tamdeuh a pe kho mi hna sinah bu an i `thial lengmang. Ram `tha an hmuhnak ah an pem lengmang caah Lelaan tuukhaal an si.  An thlarau cu lak in midang hmurka in nun an chimh hna (cf; 2Peter 2:15-16).
Judas1:11     “Phaisa duh ruangah Balaam a rak tuahmi sualnak ah an taksa  pum an pek.”
2Peter 2:15-16    “Lamding kha an pialtak i an tlau cang; Beor fapa Balaam  lam kha an zulh, Balaam cu `hatlonak tuahnak ca i phalh mi tangka a duh mi kha a si. Sualnak a tuahmi ruang ahcun mawhchiatnak a hmuh......”

Kalvary an pawn
61.    Pathian rian`tuantu mi cheukhat pawl cu lah-khah ei pah in a rem cannak lawng ah rian`tuan an duh. Ngak`tah Sianginn le Bible Sianginn a tuahtu mi cheukhat nih cun ramdang bomhnak an hal i anmah cu an rum ngai i an siangngakchia pawl cu an si a fak ngai. Bu thar an tuah i, “ka bu chung um pawl an si a fak tuk, kan bawm u” tiah ramdang ah bomh an hal, ram `thangcho ah kal khawhnak lam an kawl i an hmuh ah an kal colh, an bu caah thil an cawk ah khin a hlei vuan in a man an hal, cuticun vailamtah minin mizapi sinah a miak lawnglawng an kawl ruangah Kalvary minin phaisa kawl an si (cf; 2Peter 2:3).
2Peter 2:3     “Hakkau mi an si caah, an phuahchom mi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai...”

Biaceihnak
62.    Thiang Thlarau chanah Bu a biapi lo. Bu ah khamhnak a umlo tiin a cawnpiaktu midiklo hna cu Pathian bia ceihnak an tong lai (cf; Gal. 5:10). An ton dingmi biaceihnak tampi a um liangluang ko.
Gal. 5:10     “An tuaitamtu hna cu a ho a va sihmanah biaceihnak an tong lai..”

Chiatserh an tong lai
63.    Cawnpiaktu diklo pawl nih cun aluancia mi Fapa chan lio bantukin  an cawnpiak hna i Thiang Thlarau umnak Bupi an hlot bangin Jesuh zong an hlawt. Mi caah chiatnak a chuahpi mi zumhnak lawng an chim caah chiat serhnak cu an cung lila ah a tlunter (cf; 2Peter 2:13).
2Peter 2:1-3     “Nanmah lakah cawnpiaktu diklo an lang lai. Thil hrawktu le adiklo mi zumh ning a tuahtu an si... Sihmanhsehlaw, anmah rawhralnak a tluntertu ding cu it lo in a um ko.”