Rawl Ulhnak

Rawl ulhnak kan tuah kan ti i midang sinah kan tuah khawh mi thil hna cungah i uanthlai nak lungthin kan ngeih a si ah cun tah na lung thin in ulhnak a tuah mi na si maw? Bawipa cu leng lei zoh lo in chunglei nunzia a zoh tu a si. Rawl ka ul na ti fawn i midang chiatnak kong lawng na chim peng a si ah hin tah rawl na ulhnak hna hi Pathian hmai ah san tlai mi thil le nunzia ah na ruat maw? Jesuh Khrih nih a duh lo caah cu bantukin a um a nung mi Phrisees mi hna kha a sik hna khah. Kan lai phungthluk zongah kan hmuh mi cu: "Chungthu leng nal" tiah a si. Minung chim lo Pathian a si mi Jesuh Khrih nih a duh lo mi rian le nunzia in nun cu a thu mi nunzia a si. A caan um lio te ah i remh hna u sih. Nawl ngeitu le uk tu hna hmai ah mithmai ttha hmuh duh ruangah midang min a zuar mi na si ah cun ngol cang. Lai phungah "Na tuah bantukin na zun lai" tiah a um bantukin, nikhat Pathian hmai zongah kan tuahser ning le kan nun ning zia te in biaceih kan si te ko lai. I remhnak caan ttha a um lio te a si. Mithiang Paul nih: "Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si" tiah a ti(2Cor :2).