Ahmaanlo mi Tipilnak

Pathian fiallo in phung a chimtu

69. Thiang Thlarau chanah zeibantuk Bu poh ah Jesuh a um, bu a biapi lo tiin a cawnpiaktu hna cu Pathian nih a fiallo mi bia an chim caah thlarau thi an si. Bu `then`thek i a ummi Jesuh dang (cf; 2Kor. 11:4) min in bia an chim ruang ah an thi lai (cf; Deut. 18:20).

2Kor. 11:4 “Jesuh dang...” Deut. 18:20 “Ka fial lomi bia kha Ka min in a chimtu cu a thi lai. Khuazing dang min a chim zong ah a thi `hiam`hiam lai.”

Tildit

70. Mi zumhnak a buaitertu bu `then`thek pawl cu anmah tein an til i dit lawlaw hna sehlaw a`tha deuh lai (cf; Gal. 5:12). Tildit timi cu mi sal le mi rian`tuantu ah cang hnaseh, a faktuk ti hna seh, an ci karh hlah seh tinak asi (cf; Isaiah 39:7). Cuhnuah, Bawipa minung cazin chungah an i tel kho lo tinak a si (cf; Deut. 23:1). Gal. 5:12 “An tuaitamtu hna nih hin adongh tiang lawlaw in tuah hna sehlaw ka hei duh hnga dah- an til i dit lawlaw hna seh.”

Is. 39:7 “Nangmah tefa pawl hrimhrim hmanh… Babylon siangpahrang inn i rian`tuan ding ahcun an tildit ding a si.”

Deut. 23:1 “A tilmu a kek mi siseh, a cuarpar tan a si mi siseh, ahohmanh Bawipa mi cazin ah an lut kho lai lo.”

Tlangbawi sinak a zampi mi

71. Jesuh nih a sunparnak huham cu Bupi pakhat long si ding ah a pek (cf; Jn. 12:22). Tlangbawi sinak cu ro in i pek chin ding asi ruangah a hohmanh anmah tein Tlangbawi ah an i chia kho lo i mizapi zong nih pek khawh mi a si fawn lo (cf; Heb. 5:4). Tlangbawi sinak a ngah cia mi zong nih Bu `thennak tuah in Tlangbawi sinak aa zampi kho lo. Tlangbawi (250) hna zong Korah hnu zulh in an Tlangbawi sinak an i zam pi hnik i Pathian nih mei alh in a thah dih hna (cf; Num 16:35). Cucaah Tlangbawi sinak a ngah cia mi nih bu `thennak a tuah tikah Tlangbawi sinak Thlarau huham in a zam khi a si.

Heb. 5:4 “Ahohmanh amah le amah Tlangbawi ngan ah an i thim kho lo.”

Num. 16:1-35 “Cun Bawipa nih mei-alh a thlah i rimhmui thawinak a tuahtu (250) pawl kha a khangh dih hna.”

Ahmaan lomi Tipilnak

72. Jesuh a zum i tipilnak a ing mi cu khamh an si lai tiah a ti (cf; Mk. 16:16). Tipilnak timi cu ti cung i aa chawk mi Thiang Thlarau kha kan thlarau chungah tangko in pilter ding a si timi kha a ti duhnak cu a si (cf; Gen. 1:2; Jn 3:5). Jesuh thlahmi Lamkaltu pawl tuah mi, Khrih a Bupi ah luh in tipilnak kan in tikah Thiang Thlarau kan co cang caah (cf; Lam. 2:38) a kan khamhtu tipilnak cu a si (cf; 1Peter 3:21). Bu `then`thek ah, Jesuh Thlarau a umlo caah (cf; Judas 1:19) bu `then`thek chung i tipilnak in cu a hmaanlo mi tipilnak a si caah Khrih Thlarau an co kho lo i vanram an co lai lo.

Mk. 16:16 “A zum i tipilnak a ingmi paoh khamhnak an hmuh lai.”

Gen. 1:2 “Pathian Thlarau cu ti cungah aa chawk.”

Jn. 3:5 “Ahohmanh ti le Thlarau in hrin`than asilo mi cu Pathian pennak chungah an lut kho lai lo.”

Lam. 2:38 “Jesuh Khrih nih “tipilnak ing u, cuticun Thiang Thlarau nan hmuh lai’ a ti.”

1Pet. 3:21 “...Nanmah khamhnak caah tipilnak.”

Judas 1:19 “Hi hna pawl cu bu `thennak a chuahtertu an si caah.. Thlarau an ngei lo.”