ULH CAAN ZARH HNIHNAK ZARHPI NI

Voikhatnak Bible - Gen 22:1-2, 9, 10-13, 1 -18
Salm - 16:10, 15-19 (lehnak. 115:9 )
Voihnihnak Bible - Rom 8:31-34
Thawngtha Bia - Mk 9:2-10

PHUNGCHIM DING A MURU

• Abraham tuahsernak hi kan zoh tikah zumhnak nih rian a tuan khawh ning fiang tein kan hmuh khawh. Pathian nih a fial ning bantuk in zeipoh te a tuah dih, kal a ti ah a kal, na fapa kha raithawinak ah hmang a ti ah hman aa tim, hi bantuk zumhnak hi zapi kan caah a fawi hnga maw? Cucahcun kan pa Abraham zumhnak hi zeitindah kan i lak khawh ve cio hnga? Azum kho mi nih cun thluachuah cu, rel cawk lo hmuh a si ko lai. (Abraham tuanbia kha khrihfa hna sin fiang deuh in chim a hau lai.)
• Jesuh tlangcung ah a muihmel aa thlennak cu, a temh innak, vailamcung a thih lainak, a thawhthan lainak le a lianngan sunparnak a langhter tu hmelchunhnak a si. Apa dawtnak zong tlamtling in a langhtertu zong a si fawn. Vancung in awthawng a thang mi cu, ka dawt mi ka fapa si a chim mi kha ngai u, ti a si.
• Jesuh a temh innak nih mi vialte khamhnak a kan hmuhter. Culengah kan nih vialte zong kan temhinnak le intuarnak nih Pathian he a kan naihter fawn. Temh in nak le intuar nak cu kan nih vialte ca zong ah kan muihmel thlennak ah a kan timhtuah piak tu a si.
• Vancung kan i nuamhnak caah, intuarnak le temh innak cu kan hriamnam `habik a si. Vawleicung kan nunchung ah sifah harnak ton hi kan `ih ding a si lo. Kan thih hnu ah kan muihmel thlennak le kan i lawmhnak cu a dong kho ti lai lo. Chikkhat ca lawng si lo in zungzal ca a si cang lai.
• Kan philh hnga lo ding cu, kan dawtmi kan hawi le an si-ah kan chungkhat an si-ah, lungretheihnak le harnak an ton tikah hnemh khawh kan i zuam hna, an pawng te ah umpi, thutpi kan duh hna, biathlum le bianem in hnemh kan duh hna bantuk te khan kanmah zong lungretheihnak le harnak, ngaihchiatnak kan ton tikah Jesuh nih ka pawng te-ah a ka um pi zungzal ko ti hi kan hngalh peng ding a si.