Tuufa zanriah (Hlan i a rak fiangmi chimnolhnak)

HLAN I A RAK FIANGMI CHIM NOLHNAK
    Kumzabu pathumnak a hram thok in, papyrus nih lam kha a langhter i cu zong cu Lamkaltu hna sinin an lakmi Pathian biaknak phungbia a fiangngai mi kha an si. 300 A.D tuandeuh ah khan, Syria ram chaklei nih a zoh mi hlan sining an khomh i an hmuh mi zong kha a um: Didascalia Apostolorum (Lamkaltu pawl i cawnpiaknak) a um, cu lengah a um ek in `tial mi Pathian biaknak rian le Bishop, Tlangbawi, Khrihfa upa, nutung hna, ngakchia hna, mino upa hna, nuhmei, ngak`tah le khualtlawng mi hna i pehtlaihnak kong zongkha a um dih.
    A.D 715 hrawngah, Rome khua in Hipploytus nih a rian kha a nganpi ah a chiah. Lamkaltu tuanbia ah khan Pathian biakning phung le Pathian kong cawnpiaknak Rome Khrihfa mi hna nih Lamkaltu hna chan lio i an rak humhak mi kha a um. Hmun pakhat cu tet ngai in Pathian biaknak phung an tuah mi a um i cu phung cu tlangbawi hna ca i an tuah mi a si. Justin nih fianter mi ah Missa raithawinak kha kan hmuh khawh, Cun Hippolytus rian zong in kan theih khawh fawn.
    Tlangbawi: Bawipa nih in umpi ko seh.
    Aa pummi mibu: Nan thinlung ah khan.
    Tlangbawi: Kan thinlung kha cawi hna usih.
    Aa pummi mibu: Bawipa sin a phanh tiang kan cawi lai.
    Tlangbawi: Bawipa sinah lawmhnak kan pek lai.
    Aa pummi mibu: Mah hi cu a hman i a dingmi a si.
    Cu caan lila ahcun, biaknak phung i a hlunbik mi cauk kha kan hmuh, cu zong cu Lamkaltu hna chan i kha lakmi a si, Pathian biaknak phung ahcun St. Mark, St. James le St. Peter an i tel, cu Pathian biaknak phung cu hmun tampi, hi vawlei cungah hin an hman. St. James i Pathian biak ning ah upat awk a tlaakmi hlan lio Jerusalem Khrihfa bu i Pathian biaknak, cu phung kha a si, cu nih cun James hi a pakhatnak Bishop ah a chiah. James, Mark le Peter hna i Pathian biaknak phung cu Pathian lei ah an chah tuk tinak kha a si ko, biazaai zong ah an za tuk, cu lawng siloin heh ti i zoh lo Bible ca chim zong ah an zaa tuk `hiam`hiam. Vun theih hmanh, mi tlawm te hna nih ca an vun relkhawh in cun, le mi tlawm deuh hnanih cauk ca`ialnak kha an vun ngeih cun, Pathian biak ning phung cu hmun pakhat Khrihfa mi hna nih Bible an theihnak ah a cang. Cu a si caah, a tuanbik Khrihfa hna chan ah, Missa raithawinak cu Bible ah an rak chiah.
    Khrih raithawinak kong kha bia in a chim an thiamtuk ko nain, hlaan lio Pathian biaknak phung cu dai te an um lio zongah a hung chuak `han lengmang.
    A thi kho mi titsa vialte dai tein um uh,
    `Tih phannak he dir u law an therh hna seh.
    Hi vawleicung thil hna hi cu ruah tikah pakpalawng an si hna.
    Siangpahrang i Siangpahrang le Bawi vialte lakah Bawi bik,
    Khrih kan Pathian cu hmai ah raithawi awk ah a fong.
    Zumhtlak a si mi hna kha rawl pek awk ah,
    Cun Van mi run hna cu ahmai ah khan an kal,
    thil ti khawh `thawnnak le uknak he.
    Mit tampi a ngeimi Cherubim, cun thla, thla ruk a ngeimi Cherubim, 
    hna nih an hmai kha an i hup, i hla kha faakpi in an au i an sak.
    Alleluia, Alleluia, Alleluia an ti.
    Mah hi i cinken peng: Aw thawng le daihnak Khrihfa bu a pakhatnak Missa raithawinak ah.
    Vancung zongah na ton te hna lai, Biathlam cauk kha naih tein kan zoh tikah kan hmuh.Vancung ah na ton `han te hna lai, A vun changtu Zarh pi ni i Missa raithawinak na kal tikah.