Pathian aa Ngaichih lo (Kokek Pawngkam)

KEIMAH I ZAANGFAH NAWL IN KA HALNAK
13. Kannih vialte caah i hrawm in umnak inn asimi vawlei kha zohkhenh khamh awk ah rianrang in tuahding mi zuamcawhnak hna ahhin vawlei innchungkhar chungtel mi vialte hna kha pumhter in vawlei pawngkam sining caah tuahpiak khawh mi kakip `thanchonak ningcang hna kha kawl in `tuan asi ahcun thil sining aa thleng hrimhrim lai tiah ka zumh.
    Sertu Pa Pathian cu kannih kha a kan hlawt ballo. Bawipa cu duhdawt zawnruahnak tling he hi vawlei caah a suaimi timhtuahnak kha hlawtnak in minung kha a rak sermi cungah aa ngaichih hrimhrim lo.
    Hika zawnah hin kanmah leikap nih kan dihlak inn asimi hi vawlei pawngkam zohkhenhnak caah lam phunkip in, i zuam i rian a `tuanlio mi hna kha ka cinken hna. Forh kan duh hna. Lawmhnak bia chimh kan duh hna. Hi rian`tuannak he pehtlaihin a hleice nan ngeihter i a hleikhun lunglawmhnak biachim ka duhmi hna cu, kokek pawngkam umtu ningcang rawhralnak ruangah a chuakmi `thathnemlonak  hna kha tambikin a tonlio mi vawleicung mi sifak hna nun ningcang kha fianter piaknak caah dinhlo bakin zuam in rian a `tuanlio mi hna caah asi. 
    Chanthar cipeh mino hna cu thlennak tuah dingin an hallio hna asi. Vawlei pawngkam rawhnak he pehthlai mi harnak le hnon a ingmi hna nih an ton cuahmah mi sifah harnak hna kha ruatlo, fianter loin cun a nuammi hmailei chan kan ser lai tiah a aupi lio mi hna nih zeitindah an tuahpiak kawh hna lai tiah mino pawl nih biahalnak an tuah.

14. Keimah nih rianrang bikin zaangfah kan nawl duhmi hna cu, hmailei chan vawlei muisam langhternak kha zeitindah tuahawk asi timi athar in ceihhmai khuakhang cio dingah abiapi ngaiin kan bawmduh hna. Kokek pawngkam rawhralnak hna kha kannih vialte nih kan in cio mi asi i hibantuk a chuahnak bia ingtu cu kannih minung hrimhrim kan si i cu hna a inglio mi kannih dihlak thinphan lungretheih asi awk asinak kong zong asicaah hi ceihmai khuakhannak ah adot cio in mi vialte kan i tel awk aherh. 
    Vawlei pumpaluk huap in kokek pawngkam zohkhenhnak he pehtlaiin cawlcanghnak hna cu tam nawnpi `hanchonak a um i, hi harnak kha mikip nih theihfiangnak caah forfialnak prokarem kha fektein a tuahlio mi phu tampi an rak chuak hi asi.
    Asinain lung `thalo awk asimi hna cu kokek pawngkam harnak kha kuttong mithmuh in `tuanter awk ah zuamnak tamdeuh hna cu thazaang `thawng mi ram hna ralchanhnak an tonnak le hi rian`tuannak cung i lungduhnak a tlawmnak hna ruangah hmualngeihnak a tlawm mi kha kan hmuh.
    Hi pawngkam zohkhenh rian`uannak cungah ralchanhnak thinlung kha zumtu Khrihfa hna chung hmanh ah adot phunphun in hmuh khawh asi. Hi harnak a um hrimhrim lo tiah a almi hna, hi harnak cu kannih he aa pehtlai lo a timi hna, hi harnak fianter dingah zeihmanh kan tuah kho lo tiin vanchiat `thatnak kha a zumh i a lung a dong mi hna le teikpan (science) lei fimnak a `thancho mi atu chan ahhin zeizongte kha teikpan  fimthiamnak nih a fianhpaik khawh tiah mitchinh in a zumtu hna tiin an um kha kan hmuh hna.
    Hi harnak fianternak caah vawleicung huap minung vialte lungrualnak kha a thar`than in a herh. Bawipa Pathian nih a sermi thilnung hna kha a palhmi in hmannak ruangah a chuak mi rawhralnak hna kha tharchuah `han dingah mi vialte cu mah le thazaang, thil tikhawhnak cio chuah in, i fonh i rian`tuan `tinak a herhnak kong kha thlanglei Africa ram i Bishop hna tonpumhnak ah an rak thanh chuah.
    Pathian sermi thilnung hna zohkhenh khamhnak rian`tuannak ah kannih vialte cu kan nunphung ning cio in, hmuhton ningcio in, tikhawhnak thazaang he funtom rian`uan ve nak ningcio in Pathian caah hmanmi thilri sinak in i fonh i kan `tuanve awk asi.