Mithiang Hna Puai (November 1)

MITHIANG HNA PUAI

            Mithiang vialte hna cu zungzal nunnuamh daihnak Vancung ram Paradais ah Pathian he a tling i zungzal komhnak he um`tinak in nuamtein a ummi hna an si. Anmah lakah cheukhat cu Bupi nih phungning in fehter an si nain tamdeuh cu Pathian pakhat lawngnih a theih hna. Biathlam 22:5 ah “Annih nih a hmai an hmuh lai i a min cu an cal ah aa `tial lai” a ti bantukin annih cu Pathian Vancung khua ah Pa Pathian kha hmaitonh an biaknak in an lung a riammi an si. Mithiang hna lakah a lang khunmi cu Vanmi mithiang hna i Siangpahrang nu Mary a si. Kannih vialte zong mithiang si dingah sawm mi kan si. Micheu cu Biatak ruangah thihnak innak in siseh, micheu cu zohchunh awtlak, a langkhun mi nuncan ziaza in siseh, a tangmi cheukhat hna cu nifate rian`tuannak ah a `thabik sidingah an i zuamnak in siseh, mithiang pakhat si dingah auh le sawm an si.

HALLOWE’EN (MITHIANG HNA PUAI LAI NI ZANLEI)

Hallowe’en timi cu “Mithla hna Ni” ti a si i “All Hallows’ Eve” in a rami biafang a si. Hallow/ a hallow person (thianter mi minung) ti cu Saint-Mithiang timi a sullam a ngei.

          Catholic Bupi nih November thla nikhat (1) ah ‘All Hallows’ (Mithiang dihlak hna ni) timi Missa a tuah. A sullam cu Mithiang hna caah tuahmi Missa- raithawinak tinak a si. Cucu a tlangpi in ‘All Hallows Day’ (Thianter mi dihlak hna Ni) ti a si.

Kannih Catholic pawl nih October 30 ni kha “All Hallows Eve’ (Mi-thiang hna Puai lai ni zanlei) kan ti. Zeicatiah cu ni cu ‘All Saints Day’ (Mithiang hna ni) - November nikhat (1) ni lai zanlei, Evening Eve a si caah a si. November nikhat (1) ni lai zan kha Hallowe’en tiah a tawinak in an auh. “Evening before All Hal-lows Day” ‘Mithiang hna Ni’ ‘Mithiang hna Ni’ lai zan tiah sullam a ngei.

Why? Zeicadah Mithiang hna ni (All Saints Day) le a thicia mi thlarau hna Ni (All Souls Day) hi kan tuah?

          November ni (1) ni cu Mithiang pawl puai Ni timi ni sunglawi ni a si. Cu ni ah Catholic Bupi nih Pathian he puai kan tuah ni a si. Bawipa Jesuh dawtnak chungah a rak nung kho i a thicia mi vialte cu Mithiang an si. Cheukhat hna cu Bawipa Jesuh bantuk dawtnak ah a nung i a pum a thih ahcun a thlarau cu van-cung ah a um lai.

          November nihnih (2) ni cu, a thicia mi thlarau hna puai Ni tiah minpek a si i ni sunglawi a si. Kan duh dawtmi thlarau hna kha i theih`han in conglawmh thlacam piaknak le thlacampiak a herh mi thlarau dang hna caah thlacam ni a si. Catholic Bupi nih cu ni kha a thicia mi thlarau hna vancung an phak hlan, thian ternak hmun (Purgatory) ah a ummi thlarau dihlak caah thlacampiak ding in ni sunglawi sinak rikhiah mi a si.

How? Hallowe’en kha zeitindah kan tuah awk a si lai?

1. Dress-up “Little Saints” (Mithiang fate bantuk kan i hruk-aih lai)

Cu ni cu ‘Mithiang hna Ni’ lai nikhat a si, ti kha midang nih an hngalh ve nakhnga i zuam usih. Sualnak, thinphang thlalaunak le Pathian capo saihnak (nihsawhnak) in hnipuan hruk-aih loin Mithiang fate bantukin i hruk-aih hna usih. Cuti kan tuahnak thawngin mi tampi nih All Hallows Eve (November nikhat (1) ni lai zanlei) kha an tlaihchan lai i Mithiang kong zong an hlathlai khawh lai.

       2. Visit the graves of our Dearly Departed. (A thicia kan duhdawt mi hna thlanmual ah va leng hna usih.

November ni (1) le ni (2) ahhin a thicia kan duhdawt mi hna ca thlacampiak ding in Thlanmual ah va leng hna usih. Pangpar dawhte i put in an thlankhat ah phazawngdan vanpiak hna usih.

       3. Go to Mass (Missa kai usih)

November ni (1) le ni (2) ah biapi deuh in a thiangmi Missa ah i tel usihlaw Mithiang hna he hmunkhat in kan duhdawt mi hna caah thlacampiak hna usih. Cuti kan tuahnak thawngin a thicia mi hna kan conglawmh a si.

       4. We say a Prayer (Thla kan cam lai)

Hallowe’en puai kan tuah lio i Mithiang hna ca thla kan cam bangin a thi-cia kan chungkhar le kan duhdawt mi hna ca zongah thla kan cam lai; kan inn ah siseh, a thicia mi hna Thlahmun/ lungdonh ah siseh, va len le Rosary thlacam nak, thlacam piaknak hna tuahkhawh a si i kan tuah awk zong a si.