Jesuh kan sin a rat ah cun zeitin dah kan don ve cio hna lai

“Jesuh a ra lio ti kha Martha nih a theih tikah lampi in va don awkah a kal; Mary tu cu inn ah kha a rak um.”(Jn 11:20)

Pathian rianthiang ttuannak ah hin Mary le Martha hna bangin thazang hmangin pum aa pe mi an um bangin mission rian a ttuan mi hna caah tiin hnulei in thacamnak in pum aa pe mi tiin bupi chungah an um.

Martha cu Jesuh an sin a rat kha a theih tikah Jesuh don awkah a kal tiah nihin ni caah bupi nih a kan thimpiak mi cathiang(Jn 11:19-27) chungah kan hmuh. Pathian cu kan mah hlaan in kan sin ah a ra hmasa zungzal tu a si. Jesuh Khrih ton kan duh ve a si ah cun Martha bangin kan don ve cio ding a si. Cun “Mary cu Bawipa ke hram ah cun a tthu i a cawnpiaknak kha a ngai”(Lk 10:39). Mary bantukin Pathian bia ngaih a huam zungzal mi le a duh mi kan si a herh ve.

Nifatin kan nunnak ah hin Mary le Martha bangin rianttuannak lei in siseh, Pathian bia ngeihnak lei in siseh thazang a chuahmi kan si ah cun Jesuh Khrih kan sin a rat tikah, ttha tein kan cohlaan lai in kan don khawh zungzal ve ko lai.