Pathian a rian ah hin minung aa tel ve.Thingkung, thilnung le pawng kam kilvennak

Hebru cakuat chungah vawlei cu Pathian a tthutnak pulpil a si a ti. Cucaah vawlei cu kan upat kan `ihzah awk a si. Vawlei hrawh cu Pathian `hutnak pulpit hrawh a si.

Salm 104 nih cun sermi vawlei cu Pathian duhning in a cawlcang aa tawn riahmah i khat le khat bawmhchanhnak an ngei cio a ti. Salm 104:4-35 chung ahcun, thlitu cu na lamkaltu ah na hman hna i, nimtlau cu na sal ah na hman ... vawlei cu a umnak hmun ah khan fekte in na bunh i ahohmanh nih an tthial kho lo ... tii cu tlangcung khan nelrawn ah an vung lung. An ca i na sermi hmunah khan an um ... nelrawn ah cerh kha na put ter hna i ti cu tlang le tlangkar lakah an luang. Ramlak saram kha tidin awk a pek hna i ramlak Laa nih khan an ti hal riam in an din hna. An pawngkam thingkung cungah vate nih bu an i ser i hla an sa. Vancung khin tlangcung ah ruah na vun sur ter i vawlei cu na thluachuahnak in a khat. Sa`il caah ram na khoh ter, Minung hman awk caah thing na khohter. Cucaah minung nih cun ti rawl kha an cin khawh i an lung a lawmhtertu dingah misur hang kha an chuah ter ... thazaang a petu dingah rawl an chuah ter ... thingkung cungah vate nih bu an i ser i vaca nih farkung ah bu an i ser ve ...  an herhmi an rawl hmuh dingah nangmah an in bochan ... Bawipa sunparnak cu zungzal in hmun ko seh ... misual mi cu vawlei cung hin hloh si hna seh mi tthalo cu um ti hna hlah seh. Cu lengah Salm 148 chung ahcun Pathian thangtthat dingah vawlei cung sermi thil vialte sawm an si. "Zungzal nung Pathian cu thangtthat u. Ni le thlapa hna Pathian cu thang`hat u ... Ttihnung a si mi Rili chungum saram hna ... nimtlau, rial le minmei hna Pathian nawl a zulmi thlichia, tilet hna vawlei cungah Pathian cu thang`hat u. Tupi hna le tlang hna, thingthei rampar hna le thingkung vialte hna, inn zuat saram le ramlak saram hna, a lawnin a lawnmi le a zuangmi saram hna, nan dihlak in Pathian cu thangtthat u," a ti. Cucaah cun leicung sermi vialte nih Pathian nawl an zulh i khat le khat an i bawmchan, Pathian zong an thang`hat.

Cucaah cun dawtmi Khrihfa unau vialte hna Pathian kan zumh, kan dawt ahcun a sermi thil vialte zong hi daw hna usih. Thingkung zong a herh lo ah hau lengmang hna hlah u sihlaw meiduah zong i sum cang hna u sih. Thingram dawtlo cu Pathian serset a si tiah kan hngalh khawh ahcun a duhning nun i zuam cang hna u sih. Mah ca tthatnak lawng le mah siaremnak lawng a kawlmi cu a ngeihchun te hmanh kha Pathian nih a chuhte lai i a ngei cia mi pakha a chap te lai. Kaa lawng Pathian zumh hi cu Pathian thinhunnak a si. Aduh ning zulh tu hi Pathian lawmhter a si deuh. Na ruat bal maw ... na chuah ka in atu tiangah Pathian nih minung vialte kan nunnak caah a sermi pawngkam thingram le Sa`il arva na dawtnak kha pakhat hnu pakhat vun rel taa hmanh. Na hrawh mi le na sawksaam mitah an um sual hnga maw. Aum sual ahcun Pathian sin ngaihthiam hal in tu hnu ah hrawh ti lo ding fakpi in i zuam cang hna u sih. Thlen caan a cu cang. Na zumhnak kha tuahsernak in langhter a hau cang.

Thiang Thlarau nih lam ding ah in hruai hram ko seh.