Zumhtlak Minung

Minung kan nunnak ah hin zumhtlak mi minung si khawh ding hi a biapi tuk mi a si. Ahocaah dah zumhtlak sining in nun ding a si hnga?

Zung pakhat ah siseh, company pakhat ah siseh "zumhtlak in an nung dih kho hna" tiah ti khawh an si lo. Micheu lawng hi zumhtlak in a nung kho mi an si ko lai. Zeibantuk thil an tuah ruangah dah midang hna le riantuan ti haw dang hna nih an zumh mi an si khawh hna hnga? A fiang ngai mi cu, hruaitu hna cungah siseh, riantuan ti hawi dang hna cungah siseh, an tuah hnga dingmi an rian cungah siseh upat nak lungthin an ngeih caah a si. Upatnak lungthin an ngeih khawh mi nih an rian hma a kal ter khawh i tthatnak thil an chuahpi khawh caah a si. Thil fate hmanh siseh, an tuah sernak cungah zumhtlak in an um khawh caah midang hna nih an zumh khawh hna.

Nihin kan theih mi cathiang cu (Matt 25: 14-30) a si i "an bawipa nih a salle kha an thil ti khawh ning cio khan ngun tangka a pek hna" nak kong a si. Khual a tlawnnak in an bawipa a hung phanh tthan tikah a salle kha a kawh hna i an thil ti khawh ning cio in laksawng a tthenh tthan hna.

Nihin kan relmi cathiang nih Pathian zumhtlak mi fanu fapa si khawh ding cio in a kan sawm. Kan tuah kan ttuan mi hi thil fate hmanh si ko hmanh sehlaw, kan tuah sernak cungah zumhtlak minung kan si khawh cio nak lai Pathian sinah thazang hal cio ding a si.