Ahmaannak (Transcent Truth)

Pope biachim mi

Pope John Paul II nih “Minung phu thar kha fek seh tiah ser`than duh ah siseh, buainak phunkip fonh i harnak pek ruangah a rawk a `tumchuk cangmi vawleicung minung phu kha a thar`than dingin ser`than duh ah siseh, aana hman uknak ruangah tonlio mi buainak phuntling kha lonh duh siseh, adik ahmaan i zohchun awktlak asimi zalonnak zulhphung upadi kha zulh duh ah siseh, minung phu kha ‘Ahmaannak’ cungah ser tuah tiah a cawnpiak”.43 
    A pehrih mi cu; “Vawleicung minung phu cu, ahmaannak cungah hram a bunh i ningcang tein a ser si cun a `thancho le a karhcho lawng siloin minung huham zong kha a kilven i a khamhpiak asi” tiah a cawnpiak.44
    Tanglo aana hman uknak cu minung nunnak nih a ngeihmi ahmaannak kha duhlo caah uknak chia a chuakmi pakhat asi. Cucaah sawhsawh in banhkhawh lomi ahmaanak (Transcendent Truth) kha a pom khawhlo ahcun minung huham himding le minung nunnak `thanchonak caah aamah khannak a umlo.
    “Ahmaannak” sertu le khamhtu asimi Pathian le ser si hnuah khamhnak a hmu`than mi, minung hna cu “ahmaaanak” ah nifatein an iton. Cubangin asangbik, a donghnakbik `thatnak le nunning ziaza huham hna cu “ahmaanak” ah an iton. Cucaah minung nunnak, vawleicung minung phu cungah “ahmaanak” ti cu “Nunnak thaw” bantukin abiapituk mi asi.

43. Pope John Paul II, Encyclical letter Veritatis Splendor, Vatican Press. 1983 n. 99

44. Pope Paul XXII, Encyclical Letter. Pacem in Teris, Vatican Press. n.35

Add new comment

2 + 13 =