Biachahnak tuahkhawh dingmi hmelchunhnak hna

Pope Francis nih fawitein biachahnak tuahkhawh dingmi hmelchunhnak hna a chiahpiak

Kherhlainak cu biachahnak tuah dih hnu zongah a dih rihlo; Biachahnak tuahmi cu ahmaan maw? Asiloah a ralchanh sual maw ti kha hngalh a hau.

Zeicah tiahcun, a ṭhami biachahnak kha tuah a hau. A ṭhami biachah tuahnak thawngin chunglei lungthin daihnak a umter.

Nannih nih biachahnak nan ngei. Biachahnak cu lam asi. Cuhnuah biachahnak nan tuah. Caan saupi tiang chunglei lungthin daihnak an pek hna sicun a ṭhami le lungtho thathawhmi asi ter. Cu biachahnak nih nan thinlung kha caan saupi tiang daihnak a pek siahcun aṭha mi biachahnak i hmelchunhnak asi. Cu daihnak nih i tlaknak, lungrualnak, i biataknak lungthin le lungthawhnak a umter.

Nan i thawhnak lamthluan in nan chuak i a ṭhatdeuh lamthluan kha muisam nan tuah. A fekmi biachahnak he thlauchuah le ahmaanmi hmun pakhat i a ummi intuarnak kha nan intuar lai. Ahmaanmi biachahnak i hmelchunhnak cu a palh, ahmaan timi kha Pathian nih a hmuh timi fiangtein cohlannak kha asi. Apalh sizong ah, a hmaan sizong ah bia kan chahmi kha cohlang terding asilo. Hi bantuk hngalhnak cu nuleva hna he aa pehtlai. Innchung khar hronak he aa pehtlai.

Ngeih duhnak thinlung cu ṭhatnak i ral asi i dawtnak kha a thah ṭheo tawn. Lung ṭhalolo ngaiin atu le tu kan theihmi innchungkhar hronak hna cu midang pakhatkhat dawtnak ruangah a cangmi asi. Himnak taktak pakhat hmuh awkah i zuamnak asi. Cu thil umtuning nih zalonnak a thah i nunnak kha thaw a pitter. Adonghnak ahcun hellmei thluk asiter. Zeizongte hi Pathian sinin a ra ti kha kan hngalh i kan cohlan ahau. Cuti asi lawngah zalong tein biachahnak na tuah khawh lai.    

Zalongmi minung cu thilṭha hna a hmuh a co asi ahcun thluachuah a co. A ṭhabik asilo hmanh ah annih cu thluachuah an tinco ko. Cuticun hmailei an norchih cio hna.

Pope nih sualhram ngeiloin semmi Nu Mary puaini hlan nikhat aa duh ah ṭihnung raldohnak a tongmi hna caah a hleice in Ukarine ram i Martyr hna nih an intuar liomi sifah temhnak kha a hnemhpiak mi hrampi si dingah Bawinu Mary sin a rak nawlpiak.

Pope nih atu tan Pathian leenah a rami hna he itonnak kha Pope Paul (6) nak khaan nganpi ah a rak tuah. Khuasik caan asi bantukin a kiktuk caah cacawn nithum ni kipah Pathian leen a rami hna he i tonnak kha khi khaan lawngah tuahding asi lai i ṭhal khuapau tik lawngah St. Peter tual lengah tuahṭhan asi telai.

Ahrampi>>> https://bit.ly/3PkHm4d

Add new comment

4 + 10 =