Catholic `thitumnak cu phungning in tuahmi thil asilo

Catholic `thitumnak cu phungning in tuahmi thil siloin laksawng pakhat asinak kong kha 2022 vawleicung huap innchungkhar hna tonpumhnak ah Pope Francis nih a chim (22 June, 2022)
`Thitumnak cu tuahding mi phung lawng asilo. Catholic pakhat si ruangah siseh, phungning upadi zulh dingah siseh, Bupi cawnpiakmi ruangah siseh, lehthah a herhlo tiin 22 June i tuahmi vawleicung huap innchungkhar hna tonpumhnak ah Pope Francis nih a ti. Leh na thah, zeicahtiah lung bantukin a fehmi Khrih dawtnak kha hrambunh na duh caah asi tiah a chim.
Tlangval le nungak, pakhat le pa khat an i dawt tikah Pathian nih lehthahnak timi laksawng a pek. Lehthahnak cu a tha a `thawng i a lianngan mi laksawng a si i a fehmi bochannak ngeiin sunghnak le zawtnak ton tik zongah tuarkhawhnak dawtnak asinak kong kha PopeFrancis nih a chim.

Vawleicung huap innchungkhar tonpumhnak cu 2022 ah Vatican i Pope Paul VI khan ah innchungkhar puai ni ah an hun. Cu program ah Italy rock operatic trio II Volo cawnsannak he  an langhter. Pope Francis le vawlei killi i innchungkhar 2000 hrawng an i tel i nuva pawl i tehtekhan mi pawl le zumawk silo tiang in midang rianhnak ah an tonmi teinak hna an ichimhmi pawl kha a ngai piak hna.

Avoi hranak vawleicung huap innchungkhar hna tonpumhnak cu 26 June ah a dih i lehthahnak le innchungkhar he pehtlaimi konghna kha Catholic mi sawhsawh hna nih ni 3 chung an i ceih `ti. Bawipa Thi le Sa Biaknak le Missa Raithawinak hna ah an i tel. Lehthahnak ah, pakhat le pakhat i pe`tinak ah thazaang ngei dingah Khrih Amah hrimhrim nih Amah le Amah nanmah caah aa peknak kha thazaang lak uh, cuti asiahcun innchungkhar nunnak ah asi kholo timi a umti lailo.
Asiahcun ral`tha u! innchungkhar nunnak cu asikhawhlo mi mission asilo tiin a chapchih. Lehthahnak Sacramet thluachuah thawngin Pathian nih nanmah lawng siloin Amah he khuaruahhar khualtlawn `ti dingah sermi asi.
Innchungkhar timi cu `thatnak a tlingdih mi thil pakhat a silo bantukin  kuttongh nunnak ah zong a tling kho lo. Pathian nih nanmah he umding ah nan i lehthah ni lawng siloin nan innchungkhar nunnak lamtluan paoh ah umpi dingin aamah a khan. Nifatin nan lamtluan ah an in bawmh peng tiah Pope Francis nih a ti. 
Catholic News Agency in kan lakmi asi.  

https://bit.ly/3AqRB1l