Dawt zungzal ding in

Pope Francis Bahrain ah

 

Dawt zungzal ding le nifatin in dawt dingah Bahrain Missa Raithawinak ah Pope Francis nih a chim

Bahrain ram i a nithumnak tuukhal khual a tlawnnak ah Pope Francis nih Missa Rathawinak cu Bahrain’s National Stadium, the Kingdom’s biggest venue ah a tuah. Rili fonghlei i a mission ṭuanmi langhter dingah pumṭitu minung 30,000 hrawng cu zarhteni, 5th October ah Muslim ram Bahrain i tuahmi Missa Raithawinak ah an i tel.

Milu 100 telmi ramkip mibu hawikomh nih choir hlarem cu holh phuntling in an ra sak.

Pope Francis cu sui vailamtah nganpi he a ceuhmi stage ahcun amah i Pope mobile mawtaw he a phan i cu hmun i a phantu pawl kha mithhmai panh tein a kutthlirh buin a biak a chonh hna i ngakchia hna hnamh dingah a caancaan ah a cawlcangh pah.

Bawipa lamtluan cu nifatin dawtnak hi asi. Pathian fale si kan duh i ulenau sinak a karhmi vawleipi dirh kan duh asiahcun mi vialte kan ral pawl tiang hmanh dawt khawhnak caah kan cawn a hau.

A biachimmi ah Pope nih prophet Isaiah chimmi hna chirhchan in ‘a ṭhawnnak cu dih timi a umlo i a ṭhang lai i cuka ahcun a dong kho lomi remdaihnak a um lai’ tiah a chim. ‘Bia chia pakhat cu adang bia chia deuhmi he aa rulh tikah siseh, kan i bengh tikah siseh, remdaihnak timi a leeng kho bal lailo’ ti zong a chim.

Bawipa lamtluan cu nifatin dawt ding tihi asi. Pathian fale si kan duh i, unau sinak a karhmi vawleipi dirh kan duh asi ahcun mi vialte, kan ral pawl tiang hmanh kha dawtkhawh dingah kan cawn a hau.

Kan ral pawl kan dawt lai timi cu vancung ram i a ceu mi thil pakhat kha hi vawlei ah kan tuah a hau timi asi.

Pope Francis nih Jesuh i a ṭhawnnak cu dawtnak asi i ‘cat banglo in nifatin dawt dingah cu ṭhawnnak cu kanmah sinah a kan pek’ tiah a chim.

Adonghnak ah Pope Francis nih Bahrain ram cu miphun cawhrawi asinak le in khawhnak an ngeih caah a rak lawmh hna. Hi ram cu aakhat lomi miphun cawhnok hna umṭinak hmunram a si i a taktak tiahcun kan vawleipi i muisam pakhat asi tiah a chim.

Atu ṭum Pope i Bahrain a tlawngnak cu a voihnihnak asi i Islam i a karhmi nun ziaza ruangah Rili fonghlei a phanhnak asi.

2019 kum lio the United Arab Emirates a tlawnglio ah mipi 170,000 hrawng Missa Raithawinak a hruai bal i Khrihfa le Muslim karlak remdaihnak caah min a ṭhut.

 

 

Add new comment

6 + 6 =