Dawtnak lawng nih a ngeihmi

Minung hna thinlung thlengkhawhnak ding thazaang cu dawtnak lawnglawng nih a ngeih” tiah Porpe Francis nih a chim

“Khamhnak le zumhnak i a lai muru cu Bawipa Pathian i thihnak le thawhthannak asi” tiah St. Paul nih Galati khuami hna le kanmah hna kha ralrinnak a kan pek tiah Pope Francis nih cacawn nithumni i mipi he i tonnak ah a chim.

Tuchan ah a nung i ahmaanmi (biatak Pathian) nakin biaknak i himnak kawltu mitampi an umrih; anmah pawl cu Pathian i dawtnak kha mah nunnak ah fektein i kupnak nakin phungphai le nawlbia pawl kha lungthin bunhtuk in an umnak kha Pope Francis nih ralring a pek.

Cucaah St. Paul nih Galati khuanu/pa pawl kha Vailamtung ah thihnak ingtu Khrih ah kanmah hna kha nunnak a kan petu Pathian sinah a biapi mi thilhna kha pekthan in kalding ah” a nawl. Pope Francis nih Pathian he aa pehtlaimi kan thlarau nunnak hri a cat ti kan in tikah Bawipa Thi le Sa biaknak duhpatnak le Vailamtung ah kan Bawipa Khrih kehram ah mah le mah i ap dingin a forh hna.

Cunih kanmah pawl kha karhlan khat leiah a kan hruai “Vailamtung i thihnak intu Khrih kan ton tikah Khrih nih kan thinlung kha aa thlengter i biatak thawngtha cu duhdanh khunmi mi tlawmte calawng siloin mikip ca tinhmi sinak kha a hngalhter’ tiah a chim. Cucaah Pope nih “Mibur phu i nunnak cu nunnak cu a nungthan” a ti i thlarau thawngin Khrihfa ah kan nunnak cu a thar ah a cang i thlarau raldohnak ah pehzulhin telkhawhnak ding thazaang a kan pek’ tiah a ti. Hika zawn ah St. Paul nih ‘pumsa ziaza le thlarau i a theipar’ karlak i a dannak kha a chimh. Pope Francis nih ‘Pumsa le nunzia pawl cu Pathian Thlarau he aa ralchan mi nunziaza pawl a si”.

 St. Paul nih ‘pumsa sining cu amah tein a thalomi asi i timhlo piin mah le mah kha Thiang Thlarau Pathian ratnak kutka hrenh asi i mah duhning lawng zulh in tuahmi i asining kha a hmuhsak i Thlarau nih nunnak a pelio ah leicung thil hna tet fiapfuap in a umter i a tlaucolh’ ti kha ralrin a pek.

Thlarau theipar leikam ah hruaimi zumtu khrihfa pawl nih tipil an inlio i an ngahmi auhnak ningin nung dingah auh an si. Cucu thiang Thlarau i a theipar pawl asimi ‘Dawtnak, lawmhnak, daihnak, in khawhnak, zaangfahnak, thatnak, zumhawktlak sinak, lungnemnak, mah le mah donhnak’ hna ngeih dingin lam a hmuhsak. Pope Francis nih khrihfa pawl nih Mithiang Paul cakuat kha rel in ruatding ah a auh i mah tuahmi ah cu theipar pawl a um le umlo zohfel dingah a auh hna.

Pope Francis nih ‘Lamkaltu i cawnpiak mi cu kan mibu caah zuamcawhnak pakhat asinak’ a fianter. Jesuh Khrih ah zumhnak biatak dawh cu nawlbia hna i a hram siloah daihnak le lawmhnak tehte khangnak in a chuahpimi dawtnak biatak i a thawhkehnak theipar hna philhter khomi a tlap tampi chungin a chuakmi nuncan ziaza he aa pehtlaimi phuannak hrambunh in tlaih a ngahlonak’kong kha a chim.

Thinlung i hramthawh thlenhnak asimi, thlarau thlauchuah co awk phentu asimi buraucracy (bawi ngaiin uk) nih Thlarau Pathian i nunnak cu thatkhawh asilonak kha Pope Francis nih a chim.

Cucaah Pope Francis nih ‘Vanlamtung ah a thi i a thothanmi Jesuh Khrih konglam chim dingah rian nganpi kan ngei. Dawtnak thlarau i luhchuak thaw he nunnak pawcawm kan si. Zeicah tiah minung hna thinlung thlenkhawhnak ding a lemsoi khawhtu thazaang cu dawtnak pakhat lawng nih a ngeih cah asi’ tiah a ti.

https://bit.ly/3pZqqWj

#A remcang ningin letmi asi