December thlachung, Pope Francis i Thlacam Timhmi

Damah Saya

December thla ah Pathian rian`tuantu Damah Saya/mah hna caah thlacam piak dingin Pope Francis nih a nawl

December 1

Pathian bia chiamtu Damah Saya/mah pawl nih thawngtha bia kha raltha ngai le tuahning cang thar he tehte an khang khawhnak ding caah thlacam piak dingin Pope nih Catholic mipi pawl a cah hna. Pathian bia chimtu Damah Saya/mah pawl caah tla kan campiak lai. Thiang Thlarau thazaang he tuahkhawhnak, ralthatnak he Pathian bia an phuang khawhnak ding caah tlacam piak cio u tiah a cah.

Pathian bia chimtu pawl cu midang pawl, bupi cawnpiak mi pawl le Gospel thawngtha bia a phuangtu pawl an si. Catholic bupi ah thatein cawnpiak thiamtu le midang he khualtlawng thiamtu Pathian riantuan Damah Saya/mah pawl tampi a herhnak kong kha Pope nih a chim.

Aw thangngai in biachimtu nakin nunnak he tehtekhang khotu pawl kan herhnak kong zong a chim. Toidornak nunnak he tehtekhan thiamtu, tuahsernak thar he Gospel thawngtha a phuangthiamtu zong kan herh tiah a chim. Pope Francis nih vawlei killi i bupi then cheukhat hna ah Pathian biachimtu sinak cu a biapituk mi a si i Pathian rian an tuannak ah a tlam a tling ngai tiah a chim.

CNA news

Add new comment

5 + 5 =