Kokek Pawngkam (Pope Francis)

(7) RUAHNAK PEKMI A PHUNPHUN

60.       A hnubik ah ka chim ahcun kokek pawngkam he pehtlai mi harnak piahtana le cu hna fianternak hna he pehtlaihin naihniamnak a phunphun le ruahnak chuahpi mi a phunphun a chuah kha kannih nih kan fehter a herh.

            Tahchunnak kan chim ahcun cheukhat luantuk zumhnak a cohlang mi minung hna nih kokek pawngkam thurhnawmnak piahtana nunning ziaza he pehtlaih mi le a nganmi thlennak a herhmi hna piahtana asilo, ningcang fimthiamnak a thar hlam mi hna hmannak in piahtana fianter asilainak kong, piahtana kha hrial buin saduhthah a lomi ṭhanchonak prokarem hna kha an rak hmuhsak cio.

            A dang luantuk phu pakhat zong nih minung milu a karhnak le kokek pawngkam thurhnawmnak zohkhenh khamh dingah minung rianṭuannak hna cu kokek pawngkam ningcang a dihlak kha a hrawh dih te lainak kong, a hnu pehzulhnak in minung milu a karhnak kha tlaihkhip i, kokek pawngkam zohkhenhnak caah minung rianṭuannak vialte kha kham awk asi tiah an chim cio.

            Piahtana fianternak caah cohlang khawhmi prokarem kha a cunglei i langhter mi luantuk zumhnak pahnih karlak ah kawl awk asi. Zeihcah kan tiah cun a cunglei i ningcang a pahnih tein harnak piahtana kha a fianter khawh lo caah asi.

            Hi konglam hna ruangah piahtana fianternak caah ruahnak pek, ruahnak chuahpi mi a phunphun a chuak kho. Ruahnak chuapi mi dihlak cu piahtana kha a kakip in a fianter kho mi ningcang hna kawl in hmuhkhawhnak caah khuakhang ṭimi rianṭuannak asi.

61.       Vawleicung i kan tonlio mi piahtana tampi hna caah Bupi lei kapin a dikthlair mi fiaternak chuahkhawhnak dirhmun kan ngeilo. Asinain Bupi nih cun hi piahtana fianternak caah theihhngalhnak le thiamnak lei thiamsang hna karlak ah, aalo lomi hmuhnak a um nain cuhna kha upat cio i, dingfel le hlangfang mi ceihmai khuakhang ṭinak kha thazaang pek in forhfial a herhnak kong kan hngalh.

            Asinain kannih vialte hngatchanh kan nunnak hi vawlei pumpi cu remhṭhan khawh asi hrimhrim tilo mi chiachia hruhru a rawk khomi umtu ningcang leiah a phanhkhawh ti kha a sining tein kan hmuhkhawh cio a hau.

            Sihmanhsehlaw kannih cu hi harnak piaktana in luatnak lam kawlkhawh asinak, kannih kan karhlaan in kirṭhan khawh asinak, kannih kan ton cuahmah mi piahtana kha tlangtlak fianternak caah pakhatkhat tuahkhawh asinak, kannih kan chiahmi a nganmi ruahchanhnak cu kannih kha a kan fehter piak.

            Sihmanhsehlaw vawlei pumpi umtuning cu a rangngai mi thlennak le kokek pawngkam rauhnak le a ṭumchuknak hna ruangah thinphan ti sannak ri tiang a phaknak hmelchunhnak hna kha kan hmuh. Hi thil umtuning hna cu a nganmi kokek vanchiatnak hna le zatlang nunphung piahtana he tangka leikap harnak piahtana a chuak kho mi umtuning leiah a phak i vawleicung piahtana hna cu khat le khat pehtlaihnak an ngeihdih caah cuhna kha a dang tein ṭhen i cekhlatnak, fiangtein fianter i langhternak tuah khawh asilo.

            Peng le hmun cheukhat ah kokek pawngkam piahtana cu luantuk in thinphang dingmi umtuning lei a panh. A rauhhlan ah vawlei caan a dongcang lai, vawlei a rawkcang lai timi biachawkvai hna kha ruahchih a haulo i, kokek pawngkam he pehtlaimi vawlei pumpi i tulio thil umtuning cu hmuhnak phunphun in kan zoh tikah pehzulhin zohkhenh khawh tilo mi umtuning leiah a phanhcang ti kha kan cohlan cio awk asi.

            Minung hna cu minung hna i rianṭuannak dihlak i tinhnak kawltung kha an philh cio tawn. Vawleicung pumpi in hmun he pehtlai mi ukchung ram hna kha kan zoh asiahcun minung hna cu Pathian nih a rak kan serlio in a chiahtak mi ruahchannak kha a herhmi a betchih khawhlonak kong lungrawh ngaiin kan hmuh.

Add new comment

3 + 0 =