Lungrualnak

Lungkhah lungrualnak

Pope Jon Paul II nih “Lungkhah lungrualnak cu minung hna caah dihnak le lungrualnak zulhawk lam asi. Ahohmanh hrial khwh lomi khuaruah tuaktannak i haalnak asi tiah a ra chim. ¹

Minung hna cu khat le khat “lungkhah lungrualnak kha `tuanchuahnak in `thatlo chiatnak inn nganpi hna zong kan `thial kan lonh khawh lai tiah Pope John Paul II nih a chimpeh. ²
    Pope Francis nih unau chuahkhat lungput abiapit zia kha a tanglei bantukin a rak chim.

“Kannih cu hmunkhat teah a umkhat mi minung kan si bantukin  `tafar thisa khat lungput cu a umlo awk a`tha lomi aherhmi konglam pakhat asi. Cubantuk asimi huntheihnak lungthin cu minung pumpak pakhat cio sinah kanmah huahpi unau, `tafa taktak sinak in a zohkhenh piak bantukin, cubantuk asimi lungput kan ngeih kawhlo ahcun ningcangte asi i afekmi minung phu le a hmun adaimi nunnak kha kan hmukho lailo. `tafar thisa khat lungput cu innchungkhar pakhat le chungkhar tel minung pakhat cio sinin cawnlo hmuhkhawh mi asi tiah kan ti ko lai nain a rak kan cawm i a kan zohkhenhmi nulepa hna lawnglawng in a hram aa thawh kha cinken cio awk asi. Cubantuk `tafar thisakhat thinlung put cu innchungkhar in aa thawk bantukin adai a nuammi nunnak lei kalnak zulh awk lam asimi mah pawngkam he aa pehtlai chung paoh minung pakhat cio sin kha dawtnak pekchanhnak asi” (Cf. Pope Francis (47) nak vawlei cung Daihnak thawngthanhnak bia, 1 January 2014). Unau chuahkhat thinlung put cu mi vialte caah aa tluktlak mi tinvo kha sullam a fianter. ³

“Unau thinlungput cu a chungtel hna karlakah zawnruahnak hna kha lungrualnak, pakhat kha pakhat pehtlai tein theihthiamnak hna kha a santer piak i pehtlai tein remnak sullam hna zong a langhter (Cf. Ibid P. 56)”. ‘Unau `tafar taktak thinlungput’ cu mivialte nih daitein hmunkhat ah um khawhnak caah a um awk hrimhrim asimi thinlungput pakhat asi.

Cucaah takvun rang le anak thleidannak phungphai kha a rak ralchanh mi Martin Luther King nih “Kannih vialte nih unau chuahkhat thinlungput he hmunkhat tein umding ah kan cawn awk asi. Cuti asilo ah mihrut hna bantukin hmunkhat tein kan thi te hna lai” tiah a rak ti. St. Paul nih (Hebrew 13:1) ah “Khrih chungah unau nan si bantukin pakhat le pakhat i daw zungzal u” tiah a kan forhfial.

Pakhat le pakhat, innchungkhar pakhat le khat, phukhat le phukhat, ramkhat le khat karlak unau chuahkhat `tafar taktak thinlungput hna he dawtnak karhter i kan i komh asiahcun hmunkhatte ah daite le i daw tein kan um `ite lai ti a fiang mi asi. Hakauhnak, thinhunnak, keimah ti lungput, ruamkainak le unau chuahkhat thinlungput hna kha sivai luhter hlah u, minung pakhat le pakhat, tlangcung mi pakhat le pakhat kutsih in kan um zungzal lai i, i daw pengnak in zungzal daihnak kha sercio hna u sih tiah ...
 

End Notes;
1. Cf. Pope John Paul II, Catholic International, vol.6, No. 1, January 1994, P, 13
2. Cf. Pope John Paul II, Encyclical Letter, Sallictudo Tei Socialis, Vatican City, Libraria Editrice, Vaticana, 1987, No. 40
3. Cf. Ignaimuthu, Value for life (Better Books, Bombey, 1994) P. 55