Malta ah Pope Francis

“Malta nih harnak tonmi hna i harsatnak kha hmailei dir in a tuahpiak” tiah Pope Francis nih a chim

6.04.2022 (Wednesday)

Pope Francis cu Malta ah amah i tuukhal khual a tlawnnak kong kha cacawn nithum fatin mipi he itonnak ah ruahnak a pek. Tikulh ah ruahlo piin a phantu Lamkaltu Paul kha dawtnak he dong a thiam baltu hna i thinlung put kha nihin hmuntthial hartonmi hna i harnak he tahkhawh mi asi a ti. Harnak a tontu hna i harsatnak cu abiapit mi lawng siloin kan chanpi i hmelchunhnak pakhat zong asi ve. Hmun tthialmi pawl cu anmah he hmunkhat tein midang he aa dangmi biahla pawl zong an i put/keng chih. Cu hna nih kanmah hna kha a tlingmi laksawng a kan pek.

Malta ah tukhal khual a tlawn khawhnak ruangah ram uktu president siseh, ram uktu aana ngeimi hna sihnaseh, Bishop pawl le zumtu ulenau hna le adang thazaang petu hna kha sihnaseh, anmah hna i siangngai in an ipekchanhnak hna caah lawmhnak bia a chimthan i (Lamkaltu 28:2) ah Lamkaltu Paul cu tilawng a rawk caah Malta rammi pawl nih midang he a lohlomi dawtnak he an idonnak kong kha a chim tthan. Cubantuk dawtnak he sopar tein don a thiammi Malta rammi pawl i thinlung bantuk kha kanmah pawl zong nih kan i chiah i kan tonglio mi hmuntthawn mi hna kha bawmh kan herhtuk. Hi kong cu a biapit mi lawng siloin kan chan i hmelchunhnak pakhat zong asi fawn. Malta ram cu hi hartonmi hna he pehtlai tikah hmailei dir in a bawmh tinak kha Malta ah tukhal khual a tlawnglio ah Pope Paul (23) nak Hallkhan ah harsat tongmi pawl he an i tonnak cu tehte asi.

Lamkaltu Paul Biakinn ah mission riantuan duhnak thinlungput thar a chuakkhawhnak caah Pope Francis nih thla a cam. Cu lungput nih Malta ram cu missionary ram asi ter. Gozo Bawinu lungdon kua i thla a camlio zongah Malta rammi pawl i Bawinu cungah zeitluk in an iduhpat tizong a rak ruat chih. Kan nunchung ah umlo a ngahlo mi kan herhmi pawl sinah cat banglo in a kan hruai peng. Cu thil cu vailam cungah thah a tuar i a thothantu Khrih sinah asi. Cuve bangin, kanmah minung innchungkhar sinah Pathian thawngttha i khamhnak thawngttha asimi Pathian dawtnak he aakhat mi zaangfah dawtnak sinah a kan hruai. Pathian nih Malta ram le mipi pawl, rumnak le remdaihnak thluchuah hna pe hramseh tiah Pope nih a chim.

https://bit.ly/3ujNf8J