Mikip `Tuanvo

Daihnak tuah

17. DAIHNAK ZUAM CU MIKIP `TUANVO ASI

Daihnak kha na duh ahcun daihnak caah naa zuam lai, tiah Pope Paul VI nih a rak forhfial. Mizeipaoh nih daihnak caah zuam awk `tuanvo kan ngei dih. Vawlei pumpi i a dinglonak hna, buainak piahtana hna, `thihphaihnak hna cu kannih pumpak pakhat cio he zong pehtlai mi asi. Kannih pakhat cio dinlonak, huatnak, nahchuahnak hna cu daihnak kha `tahnak pakhat tiang a hrawh. Cu asicaah mah pawngkam ah daihnak hmuh ding i zuam hlanah kan nunnak kan i thleng hmasa lai.

Thlennak cu chunglei in a ra chuak lai. Lenglei in a ra lo. tiah James Kilbon nih a rak chim bantukin minung pakhat cio sinin mah le nunnak kha thlen remh hmasa ding asi. Remhthlennak ah mah pumsa remthlennak rian cu rian harbik asi. Minung cu midang remhter dingah duhfahnak a ngei ko nain mah pum remh cu a duh tawn lo. A huamlo.

Vawlei hi a`thalo, tiah kan au peng nakcha cun hmasabik ah kannih pumpak pakhat cio kha `that kan zuam lai. Sang le veng a thurhnawmtuk tiah sualphawt nakcha cun mah le inn hmaicio kha kan thianh hmasa lai. Muihnak kha chiatserh nakcha cun phazawngdine te kha kan van thawk lai. Minung pakhat cio sinin tuah cio, remh cio, a`tha ding zuamcio ahcun vawleipi cu a nuam taktak ko lai. Adai zong adai cang lai.

Daihnak zuamnak he pehtlaihin Pope Pius (12) nih a chimmi cu “Ningcangte sinak tuah cu diahnak a chuahter. Minung hna `thathnemnak, a hleikhun in abiapi lomi asimi hna, thilri ngeilo minung dot hna i `thatnak tuah cu diahnak kha a phorh. Hmailei caan kha cawllote hmaitonhnak le thinlung daitein chiahnak cu daihnak kha a chuahter. Ram vialte cu rawhpalhnak umlo in zuamnak le hmaitonhnak hna kha `thial i pakhat le pakhat chuahpi unau bantukin cohlannak cu daihnak kha a chuahter.

“Daihnak caah bawmhchanhnak cu minung chungkhat innchungkhar hna kha chimkhawh lomi harsatnak in a luatter lai”. Hi rian`tuannak cu minung hna lungthin kha vancung ram leiah santer piaknak asi bantukin khuachia pennak chungin a khamh piak”. 1
Foot Note:
1. Cf. The mind of Pope Pius XII, PP. 87-88

 

Add new comment

16 + 3 =