Mithiang cawisannak (15.5/2022)

Mithiang cawisannak ah Pope nih ‘Mithiang mi hna bantukin Pathian i khuakhangnak ah lunglawm tein um hna u sih’ a ti.

Mithiang cawisannak Missa ah Pope Francis nih St. Peter tual ah mithaing thar pa (10) a thanh. Phung a chimmi ah Pathian nih kanmah kha zalak in a kan dawt i a thiangmi lam ah karhlan cu zeitlukin a fiang timi cingchiah dingah zumtu ulenau pawl kha a chimhhrinh.

Deborah Castellano Lubov in

Pathian nih mithiang thar hna caah tinhmi pakhat a um bantukin nifatin kan nunnak zongah a ngei ve. Cucu kannih nih lawmh tein cohlang awk le nifatin kan nunnak chungah nunter dingin a kan auh a ti.

Pope Francis nih zarhpini, St. Peter tual i mithiang thar pahra cawisannak Missa ah cu bia cu Vatican i aa pumhmi mipi (50,000) hrawng kha kan nunnak lamtluan cio ah Pathian nih tinhnak a ngei tiah a ti.

Mithiang thar 10 cawisannak

Missa raithawinak a thawk tikah Pope nih, mithiang thar pahra asi mi - Titus Brandsma; Lazzarus Devasahayam; César de Bus; Luigi Maria Palazzolo; Giustino Maria Russolillo; Charles de Foucauld; Maria Rivier; Maria Francesca of Jesus Rubatto; Maria of Jesus Santocanale; Maria Domenica Mantovani pawl kha a thanh.

Pope nih nihin i thawng`tha bia; Mithiang Johan 13: 31-35 chungah, Jesuh nih a lamkaltu hna kha ‘Keimah nih kan dawt bantukin nannih zong pakhat le pakhat i daw u’. Cucu kanmah kha Khrih nih a kan pekmi ro asi. Jesuh i zultu taktak kan simaw silo timi fiangtein kan tahkhawhnak caah Dawtnak biakam thar’ asi a ti.

Pope nih cu nawlbia thar i thil hrampi pahnih kha a ruahpi hna; cuhna cu Jesush i a kan dawtnak le a kan halmi midang cung i kan dawtnak asi a ti.

Dawtnak nih kan khrihfa sinak a fianter

Jesuh nih a kan dawt hringhran timi kha Pope nih; ‘amah le amah a dihlakin laksawng ah a kan pek’ tiah a theihter than. Mah kha zeitik hmanah philhhlah u sih.

Thil kan tikhawhnak le kan `thatnak hna hi abiapi mi asilo, cunakin chimkhawh asilo mi, zalonmi le amiak umlo mi Pathian i dawtnak tukha asi.

Pope nih khrihfa nunnak ah doctrine le `thatnak tuah in ithawh siloin kanmah kha a kan dawt timi theihthiamnak in a chuakmi kanmah tulei nih pakhatkhat lehnak kha papek in lehnak tu kha asi.

Pope; mithiang thar pawl nih daihnak caah a phi kawl kho hna seh!

Popoe nih ralrinnak a pekmi cu; vawlei nih kan chuah khawhmi thil hna cung lawngah man an ngeihter tiah atuletu a kan hngalh, sihmanhsehlaw  thawng`tha nihcun Pathian nih a kan dawt tiah ralril a pek. Dawtnak co timi cu kan khrihfa caah a herhmi thil le kan thazaang caah umlo a ngahlomi abiapitnak pakhat asi a ti.

Thianhnak a sullam ruahtthannak

Hi biatak hngalhnak cu atuletu thianhnak kongkau ruahnak ah ithlennak a herh.

Voikhat voihnih `thatnak tuahding kha papek in kan i zuam tawn. Mah le mah raltha mi, pekchanh khawhnak, zawnruahnak kaltak ding caah ready kan sinak hna cungah hrambunh in thianhnak tah kha kan hmang tawn. Cuticun thianhlimnak cu kan ngahkhawh lomi teinak suttung ah aa thleng tawn. Cubantuk thil sining kawlnak kha thleng u sih law nifatin kan nunnak he `thenter hna u sih.

Jesuh Khrih i lamkaltu sinak le thianhnak lei lamkal timi cu Pathian i dawtnak huham nih kanmah kha a hmasabik ah a kan thlengter timi asi.

Pope nih Pathian sinin kan ngahmi dawtnak nih kan nunnak kha aa thlengter, kan thinlung kha aa hunter i anmah hna dawtkhawhnak caah `thawnnak thazaang asi a ti.

Dawtnak he nun timi cu kuttong nunnak ah, zei a tiduhnak asi? tiah Pope nih a hal. Dawinak timi cu rian`uanpiak (rianh) le nunnak pek timi asi. Tiduhnak cu sivai hna fianter ding, hngalhlo bantukin i umternak le cancer rungrul hna hrawh ding, mah le mah i hmuhsaknak le Pathian pekmi veellaksawng hna i cheuh ding an si. Fiangkhenh in chim asiahcun kannih nih kanmah le kanmah kha “Midang caah zeidah ka tuahpiak lai?” tiin i hal a hau.

Nifatin Dawtnak Umtu Ziaza Hna

Pope nih minung pakhat i nunnak pe timi cu midang hna i penak nakin kan pum kan i pedih tinak asi a ti. Amah nih ‘kan nunnak hi laksawng pakhat siawk ah mahzawn lawng i ruatnak teikhawh ding kan herh’ a ti. Kanmah lei i kan herhmi kan izohnak nakin midang hna bawmh i zuamnak in asiloah lungsau tein anmah kan ngaihpiaknak in, anmah hna he a caan hmannak in, phone aunak in thianghlimnak ah ralthatnak sining tlawmte a telo hmanhah umtu ziaza tampi aa tel.

“A thiangmi nunnak ah auh na si maw?”

Biakamh mi kha zumhawktlak tein na zulhnak thawngin thianter ko. Innsaang na ngei maw? Khrih nih bupi caah a serpiak (tuanpiak) bantukin na va asiloah na nupi kha dawt law zohkhenhnak in thianter tuah.  Nuncan khuasaknak na `tuan maw? Ulenau hna rianhnak ah zum awktlakin um tuah. Nulepa pilepu na si maw? Jesuh hnu zulhnak tuahning kha lungfual ngaiin cawng law thianter tuah. Nang cu aana nawlngeitu na si maw? Mizapi `thatnak caah rian`tuan in na zawnruahnak kha kaltak tuah. (Gaudete et Exultate၊ 14)။

Kan auhnak he pehpar in Pope nih a chimhmi cu ‘midang hna rianh (tuanpiak) ding le mah `thatnak pakhatkhat ruahchanlo in mah pumpak nunnak peding asi’ a ti.

Na nunnak caah Pathian i tinhmi

Nihin i Pathian biaknak ah a rami zumtu pawl kha mah le cio i thianhnak icohlanin tlangbawi siding ah, a sungmi nu hna siding ah, zumtu sawhsawh siding ah – anmah hna i nuncan khuasaknak kha lungtho tein itlaihnak in thawng`tha kha an phuan. Anmah pawl cu tahchunh khawhlo mi lawmhnak kha an hmu cang i tuanbia ah Pathian i ceunak muici pawl ah an cang cang.

Pope nih kanmah le cio i auhnak asimi ‘Midang hna i thianhnak kha zohchunh siloin kanmah pumpak i thianhlimnak pungsan asimi thianhnak leikap ah kanmah pumpak i auhnak kha zumhawk tlak tein zulh ding ah a hal hna.

Pope Francis nih Pathian cu na nunnak caah tinhmi pakhat a ngei. Cu tinhmi cu vadon in lunglawm tein zul tuah’ tiah zumtu ulenau pawl kha raril a pek i a bia a dongh ter.

#VaticanNews in kan lakmi asi