Nauhrawhnak Sual

Nau hrawh hlah

SUAL `THALO HNGALHFIANNAK A LOHTLAU

Tulio caan i mitampi hna cu sulanak kha suah ah an hmuh ti lo. Chiatnak kha a chia ti an hngalh tilo. Nau hrawhnak kha sual ah an ruat tilo. Minung cu zalong tein thimnak nawl a ngei, tiah an aupi cio i vawlei cung huap in nauhrawhnak kha rawl ei tidin tluk fawitein, anmah lung duhning in an tuah cio mi kha ngaihchiat awk ngai in kan hmuh khawh. Kum fate zat in vawleicung ah a sing in asimi sual ngeilo ngakchia tampi, nauhrawhnak ruangah an thih kha kan theih. Nau hrawhnak cu `tihnun taktak mi chiatnak tuah kha asi. Mah pum kha aa khamhkho rih lo mi; sualnak a ngei rihlo mi; mah hrinmi fano mansung hna kha hruhrang in sersat namchih hremnak nganpi zong asi.

Cuasicaah, Pope John Paul II hrimhrim nih ralring a ra peknak ah, “Hring rihlo mi ngakchia semka hna i nawlngeihnak zei a rello mi hna cu, minung nunphung lampi kha sivai luhternak asi i sertu `thawnnak huham kha sersat asi” tiah a ti. Cuve bangin, Bishop John Maffi nih biachahnak a tuahmi cu “Nihin vawlei pumpi cu chiatnak he a khahmi vawleipi asi hleiah, cu nak ngaihchiat awk asimi cu Pathian le chiatnak kha zeital hmanh a thei tilo mi vawleipi asi cangnak kha asi" a ti.

Ahmaan ko. Zeibantuk thil hi sualnak asi? Zeibantuk thil hi sualnak asilo, timi hngalhtheihnak a lohtlau mi hi a chiatnakbik asi. Phe i kahnak,  a`thalo nuamhnak phunphun tuahnak, ningcanglo sipuazi kawlnak, nau hrawhnak hna kha minung tampi nih cu a chiami sualnak ah an hmu tilo. Zeirelo daitein an tuahcio mi kha kan hmuh khawh. 

Cucaah, Pope Pius VII nih “Minung hna nunnak ah sualnak i sullam lohtlau hram a thawhnak cu vawleicung ah a nganbik chiatnak asi kho tiah a rak thanh”. France philosophy thiamsang J. Maritain i hmuhnak ah “Minung hna lakah ziaza `thatnak, pahrang tling cikcek `thatnak hna nakin hruhrangnak hna kha tamdeuh in kan hmuh cang tiah a rak tuaktan. Minung hna cu, adingmi `thatnak, ahmaanmi lunglawmhnak, adikmi ahmaannak hna kha a pialmi zumhnak in an kawl cio” tiah a rak ti.* (Tuchan ahhin ‘thil`ha hna kha a pialmi hmunah an kawl cio’).
Nau hrawhnak, khamnak (fahrin khamnak) hna in luatnak le lunglawmhnak tamdeuh kan hmuh lai, tiah an zumhnak a pial.
    Ahnubik ahcun a`halo sualnak thladam tangah takpum he pehtlaimi, thinlung he pehtlaimi, thlarau he pehtlaimi hna ah rawh `umchuknak lawnglawng an ton. Nan lo cang! Thil`halo nan ti i thil `thalo cu thil `tha nan ti” (Isaiah 5:20).

Add new comment

6 + 6 =