Nunak kha Pathian nih a ngeih

1994 kum, October thla ah Vawleicung fapawi khamhnak meeting kha Pope John Paul II nih ralring pekin a chimmi cu;

“Fa a pawi hramthawk tein minung nih nunnak kha lung awtom loin a upat lai i a zohkhenh a kilven lai”. Amah i ‘minung pakhat sivenak nawl, minung covo le a dang nawlngeihnak hna kha a fehter lai. Cu nawlngeihnak hna lakah ahohmanh nih a hrawhkhawh lomi ngakchia note nunnak nawl zong aa telve. Cozah lei nih minung pakhat cio tinvo, nawlngeihnak kha humhimnak le `thanchonak umding in a `thabik lam in tuah ding `tuanvo a ngei. Mi pakhat cu, zalong tein thimnak nawl, konglam langhternak le minung covo kha ralchanh in tuahkhawh asilo. A nungmi sinak nawl kha upatnak cu luat tein umnak nawl telh in, a dang nawlngeihnak vialte a hrampi asi’ tiah fiangtein a rak chim.

Pope John Paul II chimnak bangin mikip i kokek minung covo cu ‘a nungmi sinak nawl’ kha asi ko. A nungmi sinak nawl a um tilo ahcun a dang nawlngeihnak hna cu sullam a ngei ti lailo. Cucaah ‘a nungmi sinak nawl’ kha mikip nih kan thlaihchan cionak a si.

Amah caah hring rihlo mi, sualnak ngeihlo ngahchia note hna i a nungmi sinak nawl kha upat in mansung ah nan chiah lai. Mah nih zalong tein i thimnak ruangah sual ngeilo ngakchia note hna an nunnak an sungh cu hruhhrang mi mithat laingawng asi ti kha philh awk asilo.

Voihnihnak Vatican pumhnak nih fapawi hrawhnak le ngakchia note hna thahnak cu chimkhawh lo tiangin a nganmi sual nganpi asi tiah a ti.