Pope Francis le Ukraine President

Pope Francis le Volodymyr Zelensky (Photo Credit)

Ukraine President nih Pope Francis i thlacam piaknak ruangah telephone he lunglawmhnak a chim

(12 August 2022)

Pope Francis le Ukraine President Volodymyr Zelensky cu telephone in an i chonh i rampi nih a tuarmi harnak caah Pope nih thla a campiak mi cungah Ukraine President nih lunglawmhnak bia chim. Ukraine i ral buainak a chuak hnu thlaruk 12 Aungust, cacawn ningani ah Pope Francis le Ukraine President Volodymyr Zelensky cu telephone he biachonhnak an ngei.

            An biachonhnak nih Pope le Ukraine mipi pawl lungrualnak a langhter. President Volodymyr Zelensky nih a twitter ah thawngpang a `tial. An pahnih tein 24 February ah Russia nih an dohnak nih Ukraine mipi pawl an tuarzia kong an i ceih i President nih Pope i thla a campiaknak cungah lunglawmhnak bia a chim.

‘Ukraine ram ralchim a tuarmi kong he pehtlaiin vawleipi biadik phortu dingah kan mipi pawl nih thlarau lei hruaitu pawl i bawmhnak an herh’ tiah President nih twitter a `tial. Cuhnu a rauhlan teah ‘Vatican he pehtlaihnak Ukraine Ambassador Andrill Yurash nih telephone he an i chonhmi a chim chap. Ukraine ram le mipi cu Pope an tong lai caah an i lawm lai’ tiah Pope Francis i tuukhal khual a tlawn lai nak an i ruahchan.

Adang an i chonhmi pawl

Pope le President Volodymyr Zelensky cu telephone le video call he voihnih tiang an i chonh cang. Italy parliament pawl he 22 March ah an i chon i President Volodymyr Zelensky nih Pope he an i chonhmi pawl cu a chim i Pope i a chimmi a chimchap mi cu “A biapi tukmi bia” asi a ti.         

Russsia pawl nih an dohhnu a nihnihnak February 26 ah telephone he an i chonh.  An i chonh lio ah President nih Pope sinah a chimmi cu “an ram i thil a cangmi ngaihchiat za sining cungah fakpiin a thin a fahnak” kong a chim. Cuhnu raulo teah President Volodymyr Zelensky nih ‘Ukraine i remdaihnak le biadik caah Pope i thlacam piaknak cungah kaa lawm. Ukraine mipi pawl cu thlarua lei in bawmhnak an ngah tiin an ruat” a ti.

Pope i zaangfah ngawlnak

Caan saupi biaalnak aa thawk le cangka in Pope Francis i a ruahnak hna cu Ukraine mipa leikam ah a um.

Pope Francis nih ni 10 August ah amah i ahnubik mipi pawl sinah “atu tiang hibantuk i a puar hrangmi raltuknak an tuar rih mi” Ukraine mipi pawl i harsat sihfahnak cung i a ngaihchainak kong kha a chim. “Catba loin atutiang hmun aa `thial cuahmah mi hna” ca i a ngaihchiatnak zong a chimchap.

Atu thlachung vialte ah Pope Francis nih Ukraine raltuknak philhlo ding le remdaihnak caah innlelo kaltak in a zammi hna kha cohlang dingah vawlei mipi sinah catloin zaangfah a nawl hna.

Hi thawngpang cu Vatican News website in kan lakmi asi.

https://bit.ly/3SOUMa2

 

Add new comment

2 + 18 =