Somalia le Ukraine ram hna caah

Raldaihnak caah ramkip nih lungkhat tein lehrulh dingah Pope Francis nih a sawm

St. Peter tual i Angelus thlacam dihhnu ah Pope Francis nih Somalia i minung le minung zawnruahnak he pehtlaimi harnak kha ruahkhun in a chim. Khua a khentuk i ruahti a har ruangah minung (750,000) leng cu ramchung umnak hmun, an kaltak i an zamnak kong,

“Cuka hmun ah a ummi mipi hna cu a fiang setsai lomi umtuning in an um i atu cu ruahti khuakhen ruangah nunnak `tinung he hmai an i tong rih fawn. Rampumpuluk nih lungrual tein hi herhpang dirhmun kha a kheng in lehrulh dingah kaa ruahchan.  Vanchiat ah raltuknak nih ruahkhunnak le vawlei chung um thilri hna kha lam a pialter. Atucaan ah a taktak ti ahcun minung hna i rawl`tamnak, ngandamnak le fimthiamnak hna lawng kha abiapi ah chiahin tuah`tuan ding asi” tiah Pope Francis nih a ti.

Somalia ram cu tuanbia lut kumhnih rauh chung khuakhenhnak an ton i harsatnak a tongmi minung nuai-nga in nuai- sarih tiang a `thang khawhnak kong, khuacaan hmaanlonak le Ukraine raltuknak ruangah eidin awk thil an kainak hna ruangah thil umtuning a chiatter deuhnak kong, raltuknak ruangah pumpak in a tongmi Ukraine mipi hna zong kha Pope Francis nih a chingchiah mi zong asi.

Nunnak a liamcang mi Ukraine rammi hna caah hleikhun zaangfahnak zong Pathian sinah thla a campiaknak kong;

Ukrine president Volodymyr Zelenskyy nih arauhlan teah a Twitter in Pope Francis he telephone he an i chonhnak kha a fehter hnuah Pope Francis i thlacam piaknak cu ni tlawmpal chungah a chuak i raltuknak thawk le cangka in anmah i a voithumnak phone an i chonhmi cu Pope Francis nih a hlatlo caan chungah Ukrain ram tlawn ding i a lung duhnak kha pehzulhin a langhter tiah a ti.

https://bit.ly/3wnBRJY