`Thihphaih cu Hrawhnak

Pope Biacah

`THIHPHAIHNAK CU HRAWHNAK ASI
“Zeibantuk konglam ruangah siko seh, `thihphaih ningcang in fianter awk zuamnak paohpaoh cu, minung pakhat vasi ahcun man ngeihter mi mansung thil kha hrawhnak asiko. A `thami kha chiatnak in, ningcangte asi mi kha ningcang lonakin, ahmaanmi kha palhnakin, daihnak kha raltuknak in, dawntnak kha huatnakin, zalennak kha salcannakin ai rawlhnak asi.
    `Thihphai asimi hramhram hnekchih ningcang kha teiding ah hihphaihnak he lehrulh asi lai, tiah ruahchannakcu mah le mah i hlen asi. `Thihphai asimi raltuknakpuai paohpaoh cu `thihphainak kha a kham kho lo i zeitik caan hmanh ah `thihphaihnak a zorter kho bal lai lo. 2
    Minung i chuahpi mi tinvo kha upatnak asi. Aruang cu, “Minung tinve buarnak cu ngai te tiah cun lam pakhatkhat in raldohnak nawl pek asi. 3
    “Livinas nih, biatak teah `thihphaih dingin hriamnam hna a ngeih i a hmang mi hna zong. mah pumpak hrimhrim hmanh kha eiawk saram a tamter” tiah asi. 4
    Bianaah, american i Pale tilawng diahnak bom a rak thlakmi Japan kha Atom (neclear) bom in a rka lehrulh. Pope John Pawl II nih, “Ningcang te sinak i minthar asimi, a phu i mi zapi `hathnemnak kha hnekchih `hihphaihnak ningcang in `uanchuah khah asi lo. Aruangcu, hnekchih ningcang cu mah nih ser duhmi thilhna kha a hrawhdih caah asi. Mah pumpak nih a`ha leiah remhthlen duhmi thilhna kha a daimi phungphai lawnglawng in, duhsah tein `uan awk asi. tiah a rak chim. 5
    Zeibantuk `thihphainak phun siseh, hrawhnak lei lawngte ah mi a hoih. Zatlang nunphung `thihphaihnak, biaknak lei `thihphaihnak, sipuazi `thihphaihnak, ramkhel/rian `thihphaihnak hna cu minung hna caah ningzahnak le mitthli hna, huatnak le lehrulh duhnak lawngte a chuahter. 
    Pope Francis nih Albiania ram (September 21-2014) kum ah a va tlawnlio ah `thihphaihnak kha a rak soisael. Amah nih “`thihphaihnak le sersat tlaihkhipnak hna tuah ko `tung i mah pumpak kha Pathian i thir angki thuam tiah min i buh khawh asilo. Biaknak phung kha konglam chimrel i minung huham he aa rachanhmmi tuahsernak hna, Pa paohpaoh le nu paohpaoh i huham he a ralchanhmi umtu ziaza hna, abiapi bikmi cu minung tinvo le mikip biaknak lei zalennak kha a ralchanmi umtu ziaza hna kha tuah hlah uh” tiah a rak ti hna (cf, CNN).    
    Mithiang John Pawl II nih cun fehternak a rak tuah rihmi cu “`thihphaihnak ningcangin mi a thatmi han cu, minung hna kha a lung a rawkmi hna, mah pumcung ah lungrawh mi hna, hmailei caah lungrawh mihna an si i annih hmuhnak ah, zeizongte hih huat ding asi, hrawhding asi timi zumhnak a ngeimi hna an si” tiaha ti, (St. John Paul II message for 2002, World day of Peace,
6.)
    Minung hna cu, mah le tinvo cio kha ningcang tein hal tikah `hihkphaihnak lam kha hman cio lo ding le dai tein hnaihoklo lam in upadi richung ah nan halcio awk asilai. ~thihphainak paohpaoh cu vawlei pumpi caah hrawhnak asi i minung `thanchonak le daihnak kha a ralchanh zungzal.
            Olive dum i amah le zultu hna kha Tlawngbawingan hna le a hnuzul hna nih ahmaanlo in an ra tlaihlio ah St. Peter nih vainam aa zuh i a rak tuk caah cu hna lakin pakhat pa  hnakhaw a pet. Bawipa Jesuh nih `thihphaihnak kha `thihphaihnak in lehrulh awk ah tha a rak pe lo. “Bawipa” nih St. Peter kha “Na nam cu a kawng ah sawh`than ko, zeicah tiah hriamnam a lami cu hriamnam im an thi lai (Mt. 26:52) a rak ti, ~thihphainak kha `thihphaihnak in lehrulhnak zong cu buainak piahtana kha palh ngai in fianternak asi ko lo maw?

End Notes;

1). Some Recent insight in the Philosophy of other (Private Bag, Bukota, Tabzania 1992) PP. 131, 132).
2). cf. Roger Buggracue, From self-development to solidarity, Peeters, Leuven 1985, P, 16.
3). cf. Gioveanni Paulo. I probemi delmondo ... 2142
4). cf. Livinas, Totalita e infinito, suggio sull exteriorita, trad, it. dedell’s Asta  2a. Ediz... Jaca Book Milano, 1990, P. 20.
5). cf. In L’Osservatore Romano. ed. English. July 21, 1980, P. 5    
                

Add new comment

2 + 11 =