Thlacam timhmi

2022 June thlachung Pope Francis i thlacam timhmi

2022 Jun thlachung Pope Francis i thlacam timhmi cu innchungkhar pawl caah asi.

“Innchungkhar cu mino le upa pawl pakhat le pakhat hmunkhat tein um`ti thiamkhawhnak caah cawnnak hmun asi. Innchungkhar ah upa, mino le ngakchia pawl an dihlak lungrual tein an umnak thawngin kan i khahlonak karlak ah lungrualnak he kan nunnak i biatak cu an hmu.

A taktak ahcun a tlamtling dihmi innchungkhar timi a umlo. Innchungkhar ah a tlamtlinlonak a um tawn, asinain buainak asilo. Thil tuahsual ding na `tih lailo. Anmah sinin i cawn in hmailei nor u sih. Pathian cu kan innchungkhar he a um timi philhhlah u sih. Kan innchungkhar ah innpa chakthlang he kan umnak khua le ram ah Pathian cu kanmah he a um. Pathian nih a kan zoh i a kan kilveng. Thlichia ruang i kan tlukcaan tinkim ah Pathian nih a kan zohkhen i kan sinah a um. Harsatnak kan toncaan, kan i sik caan le lunglawmh can tinkim ah Pathian kan sinah a um. Pathian nih a kan hawikomh, a kan bawm i kan sualnak (palhmi) a kan rempiak. Innchungkhar i idawtnak cu kanmah pakhat cio kha a thianghlim mi lam ah a kan hruai. Cuasicaah, tu thla cu vawleicung innchungkhar hna tonpumhnak puai caah hi biatlang hi kaa thim.

Valeicung i Khrihfa innchungkhar hna caah tlacam cio u. Chungkhar pakhat cio ah dawtnak co in nifatin an nunnak thianghlim hram seh’ tiah Pope Francis nih a ti.

source; Vatican media

https://bit.ly/3aZrQuA

Add new comment

14 + 6 =