Unau lungput ngeihlo ahcun?

Unau lungput kan ngeih ahcun, pakhat kha pakhat, upatnak rawh dingin an tuah lo. Unau lungput ngeihlo ahcun unau chuahkhat hmanh nih Bible chung bia bangin Kain nih a chuahpi a nau taktak Abel kha nahchuah fih nunter in a rak thah bang khan an si cio te lai (Gen. 4:1-18). Unau lungput ngeihcio lo ahcun pakhat le pakhat upat hmaizahnak a um lailo i dawtnak ngeih khawh zong asi fawn lailo. Pakhat le pakhat ngaihthiam in remnak tuah khawh asi ahcun unau timi zuunhri hna he khat le khat a zelh ahcun ral si duhnak zong a um lailo. Buaibainak hna caah khirhnak si (phisi) an si. Adik ahmaan mi unau lungput ngeih cio ahcun buaibainak asi hmanhah nam i tat i hmaitonh loin tonbia i ruah in thlaihchannak hna vawrter loin a um ko lai.
    Unau lungput he kutsih cio ahcun harnak hna le raltuknak hna kha kham khawh asi te ko lai. Unau thinlung put a ngeimi hna cu khat le khat kha bawmhchanh-dawtnak kha an langhter i pakhat caah pakhat nih nunnak pek tiangin a kham piak, dawt tlaihchannak hna an i thleng kho i Bible hlun chung i Davbid siangpahrang le Jonathan hna an rak sicannak nih tehte asi (Cf. Psalm 18:2)
    Adik ahmaan mi unau lungput kan ngei cio ahcun pakhat le pakhat kha namneh asilo, khat le khat kha zohkhenh bawmhchanh in zangfah thiamnak an ngei. Khat le khat kha `tumchuk dingin a tuah lo bantukin khat le khat an i zunpiak thiam lo. Thinglung ah an i upat i zawnruahnak an ngei. Minung khat le khat "Unau chuahkhat thinlung“an ngeihcio le caah pei vawlei cungah hin minung le minung hnahawhnak a chuak cu. Vawleipi ahhin huatnak mei hna a kangh cu. Pope Paul VI nih “Nihin vawleipi nih (buaibainak) zawtnak a ngeihnak cu mi tlawm deuh nih vawlei chungchuak thil hna kha teithlak i tlaihkhipnak kha cha cun minung pakhat le pakhat (unau chuahkhat lungthin) zuunngaihnak hri a dor caah asi” <sup>1</sup> tiah a ti.
    Minung cu khat le khat kha tluk ruang tein i komh awk kan si. Tluk ruangnak a umlo mi thil sining ah unau `afar hawikomhnak serkhawh asi lailo. Ningcang lomi sining ah unak hawikomhnak serawk ahar ngaingai lai. Mi pakhat nih vui pakhat aa lak i cu mipa kha tangka thongkhat (1,000) lawnglawng a pek ahcun tlukruangnak a um ti lo. Cuve bangin phukhat le khat, ramkhat le khat karlak zongah unau lungthin he kan i komhcio ahcun i tluktlak tein kan i hawikomh te ko lai. Unau thinlung put cu minung tinvo hna kha a hnatlak pi i mah ``uanvo hna zong kha mi vialte nih an covenak dingin a zuampiak i, minung kphu kha `ha chinchin dingin a tuah piak.
1. Cf. Pope Paul VI, Populorum Progressio P, 66.