Apostolic Nuncio Tschang aa ṭhialcang lai

Pope palai nih harnak a tong mi Myanmar rammi hna caah bawmhnak pekding in a forh

A rauhlanah Netherlands ram ah ṭhial in ṭuanvo a la hnga mi Myanmar, Thailand, Cambodia le Lao ramhna he aa sengmi Pope palai Archbishop Paul Tschang In-Nam nih September ni 2 ah Lunglawmhnak Missa cu Yangon ah a tuah.

Pehzulhin a cang cuahmah mi buaibainak hna ruangah a karh lengmang mi bawmtu ngeilo ralzaam hna bawmding ah rampi i Catholic hna nih thazaang chuahnak karhter dingah Archbishop Paul Tschang In-Nam (Nancio of Myanmar) nih a forhfial hna.

Atuah Myanmar i kan ulenau hna cu a nganmi harnak an ton ruangah Pathian sal hna tiin kawh tlakmi an sinak hnga le lung tettawtnak a tonmi ulenau hna rianh dingah kum 73 asicang mi Bishop nih cun a rak chim.

Thlang Korea chuak asimi Archbishop Paul Tschang In-Nam cu Thailand, Lao, Cambodia hna ah kum hra (10) chung rian a ṭuan hnu 2017 kum ah Myanmar le Vatican karlak ah a tlingmi pehtlaihnak an tuah hnuah Myanmar ram ca zongah ṭuanvo pekmi asi.

Tukum July 16 ni ahcun Pope Francis nih amah cu Nethalan ram he pehtlai mi Pope palai ah ṭuanvo a pek.

September ni 2 ah Yangon ah lawmhnak Missa Raithawinak he Bishop Tscang cu thlahnak an tuah.

“Atucaan ah Myanmar i ulenau hna cu hneksaknak tampi an ton i Pope Francis zong nih naih tein a ngiat len i remdaihnak le i remṭhannak a umnak ding lam hna a kawl i, i lawhlonak bu hna karlak ah tonbiaruahnak tuah ding zong kha” a forhfial tiah a chim

https://bit.ly/3x1mK9k