Argentina Mipi Lunglatu Diego Maradona a thi

Diego Maradon, Argentina Mipi Lunglatu

Pumpalulh (bawlung) chuih thiamnak ah vawleicung minthang Diego Maradona cu 25 November 2020 ah a sertu Pathian sinah aa din cang tiah thawng kan theih. Kan hnu Zarh lio hrawng ah sizung ah a um i, a thluak ah thikhal a ummi an hlaipiak. Cuticun a dam deuh caah sizung in a chuak i inn ah aa din. Maradona cu kan hnu naite ah khan kum 60 a tling ve.

Diego Maradona cu Lanus khua, Argentina ah a chuak i Buenos Aires khua ah a tthang lian. Amah hi Catholic zumtu ttha a si i bawlung chuih thiamnak ah hmunhma hlawhtlinnak a la tukmi a si. Pathian aa bochannak le zumtu ttha a sinak he pehtlai in a timi cu “Pathian nih pumpalulh (bawlung) chuih thiammi ah a ka ser. Cucaah bawlung certual (football ground) ka luh poah ah vailamtah hmelchunhnak ka tuah zungzal. Ka tuah lo a si ahcun Pathian ka rawilei ti tluk khin ka ruat”, ti hi a si.

Maradona thawngin 1986 World Cup ah bual an rak co. 1990 ah final kai khawhnak zong a mah thawngin an rak ngahmi a si. A nunnak lamthluan ah vawleicung bawlung chuihthiam bik hna chungah pakhat a si ve.

Ref:VOA Burmese