Aw `tha Sr. Cristina cu Sister sinak a kaltak

Hlasa thiam Cristina Scuccia

Sr. Cristina Scuccia nih pumpek nunnak a kaltak

(CNA Newsroom, Nov 21, 2022 / 08:47 am)

2014 kum, Italy i The voice (Aw) hlasak zuamnak ah pakhatnak a ngahtu Sister Cristina Scuccia cu 2019 kum September ah zungzal biakamnak (final vow) a lakcang nain, kum 15 a rauhhnu ah Sister in a chuak.

A hlan i Sister asimi cu atu Spain ah a ṭhial. Kum 34 asicang mi amah cu cuka ah Music le cabuai i rawl petu nu (waitress) in rian a ṭuan.

Kan hnu zarh ah, Scuccia cu angkifual hruk loin a senmi nu tawhrolh hruk le makeup tamh in Italian program ‘Verissimo’ he tonbiaruahnak a tuah.

Amah nih biahaltu Silvia Toffanin kha ‘Aw nih duhsah tein thil thlennak lam a ser sihmanhsehlaw covid he biakhiahnak a ra i cunih cun i dinh ding le keimah le keimah ka lungthin zoh ding in a ka hnek’ a ti.  

Media i langhternak cu caan a sau tikah biahalnak tampi hnulei i hneksaknak lei namhchihnak ah a cang. Caan har chung ah ka kal, aho ka si ti muithlam ka chuah kho lo, psychologist pakhat he khualtlawng hram kaa thokcang’ tiah a chim.

Hibantuk dirhmun ah, ahlan i biaknak lei pum petu nih pekchanhmi nunnak kaltak dingin biakhiahnak a tuahcang.

‘Hmun pakhat ah a dammi ka si ti lo. Ka pumpak nutling sinak cu tuahkel zia le a phung ah aa benhchih cang’ tiah Scuccia nih a fainter.

‘Aho ka si ti kaa hngal lo. Zeitikhmanhah Pathian cu ka al lo sihmanhsehlaw tuahkel zia lakah keimah le keimah ka tong tilo’ tiin a chimchih.

Tonbiaruahnak hmunhma a dang ah, a hlan i Sister nih zumhnak cu kaltak ka duhlo a ti.

‘Pathian ka zumh peng rih i zumhnak lam hlawt ding timhnak ka ngeilo. Atu tiang i a tonmi vialte caah a lunglawmnak’ a chim.

Scuccia cu Vittoria, Sicily ah 1988 kum ah a chuak i a kum 19 a si in the Congregation of the Ursuline Sisters of the Holy Family ah a lut.

Aw nih ruahlo piin a ton hnu ah awkhumtu hna nih a phu i Superior General an pehtlai i 2014 i teinak a hmuhmi i zuamnak ah Scuccia telkhawh ding si le silo kha biakhiah piak dingin an hal.

I zuamnak i teinak a hmuhhnu, cuni ah Scuccia nih cuka i a ummi vialte kha Vancung kan Pa; a chimhning cun “Ka chunmang”; thla a cam pi hna.

‘Avoikhatnak ah hi sawmnak cu ka ṭih asinain avoi hnihnak cawlcanghnak ahcun lenglei kal in vawlei i tahnak bitkauh phak ding le Thawngṭha lawmhnak put dingin kawhauhnak pakhat asi tin ka hmuh’ tiah Scuccia nih 2019 ah a chim.

Scuccia nih an phu a kaltak cang natein the Congregation of the Ursuline Sisters of the Holy Family nih cu kong ah chimmi a umlo.

Hi thawngpang cu CNA (Catholic News Agency) in kan lakmi asi.

https://bit.ly/3XuxZCQ

Add new comment

6 + 0 =