Bahrain ah Pope Francis a kal lai

Pope Bahrain a ltawng lai

The Holy See Press Office nih Pope Francis cu November thla thawk ah Bahrain ah tuukhal khual a tlawng lai tiah a thanh

Pope Francis cu Persian Rili fonghlei ram, Bahrain ah November ni 3-6, 2022 ah Tuukhal khualtlawnnak a ngei lai tiah cacawn nithum ni ah Vatican Thawngzamhnak nih a thanh.

The Holy See Press Office Director nih cacawn nithum ni ah Pope nih rampi le Bupi nawl ngeitu hna i an auhmi kha a cohlang cang tiah a chim.

Amah i tuukhal khual a tlawng lio ah Pope cu Manama le Awali khualipi hna ah “Ni chuahlei le Nitlak lei i Minung Hmunkhat tein umṭi - East and West for Human Coexistence’ timi Bahrain Forum for Dialogue ah aa tel lai.

A khual tlawnnak program le thil a nekcok cu hnudeuh ah thanh asi te lai.

Pope Francis cu amasabik Bahrain tlawntu Pope asi lai

2014 ah Pope le Siangpahrang Hamad bin Isa AI Khalifa karlak an i tonnak

Pope Francis nih 2014 May 19 ni ah Bahrain Siangpahrang Hamad bin Isa AI Khalifa cu Vatican mibu in a cohlan bal.

Siangpahrang nih State i Pietro Parolin le ahlan i States Pehtlaihnak hna Secretary Cardinal Archbishop Dominique Mamberti a ton bal.

Cu caanlio i Holy See Press Office chimmi bantuk asiahcun Bahrain Siangpahrang le Pope nih hawikom ṭha taktak in an i ceihnak ah ‘nichuahlei a laifang ah remdaihnak le fektein umṭinak he pehtlaimi biakamnak pinah mibukomh karlak ah daite le hmunkhat tein umṭti khawhnak cawisan ding, i timh in chawlehthalnak lei caah biatlang a phunphun in an i ceih ṭi’ tiah a chim.

Khrihfa hawikom phu nih ram caah ṭhatnak lei bawmh ding le hmun-um Catholic hawikom hna i pumpak an herhbau mi hna kha Siangpahrang nih a lungduhnak cungah a lunglawmhnak kong zong a chim.

Hrampi #Vatican News

https://bit.ly/3ClxceF

Add new comment

9 + 1 =