Cardinal William Goh nih Asia Remdaihnak caah a chimmi

Singapore Cardinal nih Asia remdaihnak taanter ding le thawngzamhnak ṭhatter deuh dingah a hal

Singapore Cardinal William Goh nih Asia Leiṭhen ah remdaihnak taanter ding le thawngzamhnak karhter deuh ding cu abiapituk mi asinak kong kha papek in a chim.

Adang biaknak lei hruaitu hna, acozah le cozah asilomi phukomh hna nih hmunkhat tein ṭuanṭi a herhnak kha Cardinal William Goh nih a chim i FABC (Federation of Asian Bishops’ Conferences) i an hmuhning, Asia lung rualnak i a herhmi ceihmainak ah Asia Bupi cu “Nunphung le Biaknak le ceihmainak hna kha cawisan ding le kanmah hna hram kan i thawknak sining hna kha pakhat le pakhat i theihthiam ding ah ṭuanvo kan ngei” ti zong a chim.

Philippine ram, Manila i ummi Radio Veritas Asia tualchung ah November ni 7 in ni 9 tiang “Thawngzamhnak he khual a tlawngmi Bupi” timi biatlangpi tangah avoi (27) nak Bishop hna ton biaruahnak ah Cardinal nih atu bantukin a chimmi cu asi.

Cardinal nih Asia Leiṭhen i ummi Khrihfa hna cu mi tlawmte biaknak phung pakhat asi caah acozah kha adang vawlei i minung tiah hmu tilo in missionary hawi le kom tiin hmuh dingah a forhfial hna.

 “Kanmah nih cun kan chimpeng ko nain kan zumhnak hna kha mikip cungah benh ter chih a ngah lo. Biaknak lei hruaitu hna nih acozah he hmunkhat tein ṭuanṭi ding abiapi. Anmah hna he remdaihnak ngah dingah midang hna he ceihmai an duh tikah Pathian nih a sermi Amah muisam bantukin anmah hna he i pehtlaih a hau” tiah Cardinal nih a chim.

Pathian muisam le cu muisam he ser asimi mi pakhat cio he i tonnak tiah ruah buin kannih nih mi pakhat cio cungah lungthin tak pekin Digital thiamnak hna hmang in mi pakhat cio kha pumpak in pehtlaih ding asi” a ti i thil thiamnak  lei a thiam ngaingai mi mino hna he thil thiamnak taktak a ngeilo kum upa pawl caah aa khatlo mi fonhtonh in aa thlengmi pungsan hna hmang a herh” tiah Cardinal nih a chim.

Asia Leṭhen i aummi mikip sinah aa ruangmi pehtlaihnak a umlo hmanhah fimthiamnak chan ah Thawngṭha chim ding hi timhcia cio ding a forhfial hna i fim thiamnak i aakhat lo mi hna zong kuttongh fainter ding asi a ti. ‘Siangbawi hna le biaknak lei hruaitu  hna zong nih Media hmanning cawn ding asi i cuti asilo ahcun thawngṭha bia kha an hngalh mi bantukin a palhmi thil kha an chim lai’  tiin a chim.

Hi Digital Media kongkau hngalhter deuh hna u! Ahmaan mi hngalhternak kha ningcang tein zeitindah an hmang lai timi kha tuchan nunphung mibu sinah pe hram u! tiah Cardinal nih a chapchih.

‘Fimnak le ahram innpi dirh awk ceihmai ding cu umlo ngahlo in aherhmi asi. Kan tuahkho lo asiahcun thil vialte hi i biakchonhnak he aa pehtlai dih caah hmuh awk asimi kan sungh ko lai. Tuchan fim thiamnak ah siangbawi hna le siangbawi a cang hngami hna nih ṭhatein thiam dingah tuahpiak i cawnpiak ding cu abiapituk’ ti chim buin Cardinal nih a bia a donghter.

https://bit.ly/3hkAK8W