CBCM Thawngthanhnak

Catholic Bishop’s Conference of Myanmar (CBCM) Ca Thanh

COVID-19 zawtnak in i runvennak caah le zawtnak a karh lo nak dingah tiah Kawlram pumpaluk Bishop hna zunginn pi a si mi CBCM zung nih Kawl ram Catholic zumtu hna sinah thawngthanhnak le lamhruainak ca cu 16March2020 ni ah an chuah. Cu thanhca ahcun;

1. COVID-19 zawtnak hmelchunhnak a si mi taklinh, cumpi, or fah/ hrum fah, khuh, kik tlaih tibantuk in a zawmi hna nih mah le inn ah um in mi tamnak hmun ah umlo ding le biak inn ah i pum lo tein inn ah um ter hna ding.
2. Cuticun  Biak inn ah i pum lo in mah le umnak hmun in Zarhpi ni rel dingmi Bible rel in Pathian he i komhnak, lungthin chungin Bawipa thi le sa cohlaan nak tuah ding.
3. Kan mah kan umnak hmun kan innchung in siseh, biakinn in si seh, (a) COVID-19 in a zawmi hna le hi zawtnak in a nunnak a liam hna caah thlacam piak ding.(b) Hi zawtnak a thlawpbul tu sibawi hna, sii sayamh hna le ngandamnak lei ttuanvo ngeimi hna caah thlacam piak ding. (c) Vawleicung sii lei thiamsang hna nih COVID-19 zawtnak a damh kho tu sii an hmuhchuah zau khawh nak hnga thlacam piak ding.
4. Nifatin Missa raithawinak ah hi hna caah thla kan campiaknak thawng in vawleicung minung unau kan si nak le thinkhat lungkhat kan si nak langhter ding.
5. Missa raithawinak tuah tikah tuah hrimhrim dingmi (a) Caan zei mawzat chung, Biakinn luhnak innka hram i chiah tawnmi Tithiang kha chia ti lo le tawngh lo a si rih lai.(b) Missa chung i daihnak hmelchunhnak tuah tikah ah kut tlaih a si lai lo i kut tlaih can ah lukun a si lai.(c) Bawipa thi le sa ei tik ah kut in cohlaan dingah forhfial/ thapek ding.(d) Siangbawi le a bawmtu hna nih Bawipa thi le sa an pek hlan ah siseh, an pek dih hnu ah siseh an kut thiang tein i ttawl ding.(f) Thianghlim zuk/lem hna tawngh lo ding, hnamh lo ding.(g) A thiang cacawn ni li ni zanlei kettawlnak tuah a si lai lo. (h) Good Friday(Bawipa Jesuh thihni) i vailamtah upat peknak (hnamh) lo ding. Upat pek a duhmi nih lukun khuk bilh in upat pek ding.(i)Pascha puai ( Holy Saturday) Zarhte zan kha 5:00pm in 7:00pm kar ah tuah ding. Midnight Mass a um lai lo.(j)Biaknak caah hmanmi hmunhma le thilri hna hmannak a dih in thiang tein ttawl dih ding. Siangbawi hna le zumtu Khrifa hna a tu le tu kut thiang tein i ttawl ding.(k) COVID-19 hi tangka tlap zong in aa chawnh khawh tiah WHO( vawlei thiamsang sibawi) hna nih an chim. Cu a si caah biakinn ah a hluu khaan mi hna nih Mask(hmaikhuhnak) hman a si lai i Acohol a telmi kut ttawlnak si he thiang tein kut i ttawl ding. (k) Puanthan in khammi sualthlahnak tthutnak lawng ah siangbawi le sualthlahtu nih sual thlah ding. Sual thlah tikah siangbawi le sual thlahtu an pa hnih in hmaikhuhnak(mask) i khuh ding. (l) Zumtu Khrifa hna nih biakinn chung an luh hlan ah an mah te cio in mask( hmaikhuhnak) i khuh dih ding, cun biakinn chung in a leng chuah tikah an hman ciami  hmaikhuhnak le tisue hna kha ningcang lo in hlonh lo ding.(m)Biakinn luhnak innka hram ah alcohol 70% a telmi kut ttawlnak sii chiah ding.
6. Hi zawtnak (COVID-19)  tei khawhnak dingah vawlei cung ram hruaitu hna le Kawlram hruaitu hna nih a si khawh chungin an i zuam lio. Ngandamnak Vuaci le zaanglek lentecelhnak vuanci hna nih lamhruainak le forhfialnak  ah lungtak in i tel ve ding le zulh ding .(a) A tu lio ah Biakinn ah siseh, Hall khaan ah siseh tuah ding in timhlamh cia a si mi , meeting , tindaan te hna, rawldum puai te hna le mitampi hmunkhat ah i pumhnak hna a ni tthial ding (or) tuah lo ding. (b) Chiat ni, tthat ni ah (thih loh ton tikah siseh, a dangdang puai tuah tikah siseh) mah le chungkhar khat deuh lawng in a bitnak le a tawinak in tuah ding. (c) Pathian bia cawnnak, lengkhawmh pumhnak, le cawnpiaknak tuah lo ding, (d) Cu bantuk tthiam tthiam in mi tampi(mibu) he tuah tawn mi Siangbawi, Jubilee puai, Biakinn puai, Mithiang hna puai, thil pakhat khat caah thluachuah hal le pekchanh puai, Bawinu Mary puai hna vialte zong puai ni tthial piak ding , a si loah tuah lo ding. (e) Thli thiang ttha tein hmuh khawh nak ding caah thlalang  awng le inkaa hna kha hun ding.
7. Thinphang tha ther i um hi virus nak in a zualhma in ttihnung deuh a si caah ralrinnak he i runven bu in dai tein Pathian sin ah zumhnak he i bochan ding. (a) Zumtu Khrihfa hna nih Bawipa Thi le Sa biaknak in damnak an hmuh khawhnak hnga biakinn le Bawipa Thi Sa biaknak inn(Adoration Chapel) Bawipa Thisa  hun piak ding. (b) Hi zawtnak tthalo chungin kan luat khawhnak caah le zumtu Khrifa hna i saduhthah a tlin khawhnak hnga, Thiang Thlarau laksawng co khawhnak hnga Siangbawi hna nih Missa raithawinak tuah ding. (c) COVID-19 zawtnak a tuarmi bawmhnak caah ahlu khaan ding. (d) Pope Frances nih biaknak lei hruaitu tuukhaal hna kha an tuu hna pawngah um dingin a forhfial hna bantuk in zulh ding. (e) Mizaw hna kha Bawipa Thi le Sa peknak, Sathau thiang thuhnak le sualthlahnak a herh mi hna kha hlawt lo ding.

Ralrin ding:

- Mah le Diocese cio i hruaitu Bishop hna i lamhruai nak le tlangtlak khuakhaan nak kha zulh cio ding.

- Catholic Bishop’s Conference of Myanmar (CBCM) thawngthanhnak le thanhca a dangin a chuah hlan tiang a tu ningin zulh ding tiah fehter a si.

Credit: Gloria Journal

Photo: credit