Covid_19 ruangah

Wednesday, September 23, 2020
Covid zawtnak ruangah Catholic minthang biaknak hmunhma hna ah Khual a tlawngkal mi an tlawm.
2020 kum cu biaknak lei minthang hmunhma hna ah khual tlawnnak lam a pih kum bak a si ko. Kum fatin minung nuai (300) in (330) hrawng cu biaknak lei minthang hmunhma ah len le vah an si tawn hna. Cuka hmunhma ummi hna nih an phaisa kawlnak le hmuhnak ah khualtlawng hna sin in i bochan a si.
Vawlei minthang biaknak lei hmunhma hna nih kumkhat ah American Dollar Billion (18) ngunkhuai khawltu a pek. Jerusalem khua ah a ummi Church of Holy Sepulchre cu vawlei cungah khual-tlawng mileng a tambik an phaknak hmun a si. Cuka hmun cu Bawipa Jesuh a intuarnak hmun le a thawhtthan nak hmunhma hna an si.
Cuka hmun cu Covid zawtnak ruangah thlahnih chung, khar a si i May thla ahkhan an awn tthan. Voikhat luh ah minung (50) lawng luh khawh a si. A thianghlim hmunhma a zohkhenh tu Franciscan (ရသေ့) Fr. Francesco Patton nih Rome thawngthanhnak zung ah a chimmi cu "Thlaruk chungah aho khualtlawng mileng hmanh ka hmu rih hna lo" a ti.
Mah bantuk tthiam cun Portugi ram um, Fatima khua zong, Covid zawtnak ruangah May (13) Bawinu Mary Sunpar langhnak puai cu tuah khawh a si lo. Khualtlawng mileng zung ah rianttuan pawl zong rian a tlawm caah, khualtlawng mileng (tourist) an au kho ve ti lo.
Cu bantuk tthiam in France ram ah a ummi, kum fatin minung nuai (5) hrawng nih tuah tawnmi Bawinu Mary langhnak Lourdes zongah atu cun khar a si. Online lawng in zohkhawh/biak khawh a si cang.
 

Add new comment

7 + 7 =

Quick Links