Fr. Velentinus Saeng cu Bishop thar ah thim asi

Bishop thar thimnak
  • Indonesia ram, Sanggau Biaknak ukchung caah Bishop thar an hmuh

            Pope Francis nih, Fr. Valentinus Saeng, CP kha Indonesia ram, Sanggau Biaknak ukchung caah Bishop sinak a thim cang.

Atu Bishop thar ah thim asimi nihhin atu a `tuanlio mi Bishop Julius Menccucini, CP i ro le `tuanvo kha a chawng lai tiah a lan cia 8 June ni Cathedral i Missa a tuahlio ah Bishop Julius Menccucini CP nih khrihfa hna sinah theih ternak a rak tuah. Atu bantukin theihternak tuah le thawh dingah Indonesia ram caah Pope Kuzale asimi Monsignor Piero Pioppo sinin Vatican nih ‘phungning theihternak ca ka rak hmuh cang’ a ti. Atu Bishop thar ah thim asi mi Fr. Valentinus Saeng CP cu Borneo ah a chuakmi a si. Philosophy le Theology cawnnak hna kha a chimh lio a si. Theihternak ca chungah Pope nih, a biachahnak kha theihter in ka thanh caah diocese chung i siangbawi hna, Sister hna, mithiang hna, khrihfa ngakchia dihlak he tiah hmunkhat in lunglawmhnak ka ngai, atu i Bishop thar ah thim asi mi caah a hleikhun thlacampiak cio ding, amah zong kha Tuukhal thar sinakin lunglawm tein don cio ding ah a forhfial hna. Idonesia ram i Pope Kuzale zong nih Pope cu atu a `tuanlio mi Bishop Meneccucini kha a rak `uan ciami a rian cungah lawmhnak fakpi in a ngei i, diocese uktu sinakin a rian`tuannak kum zong asau cang bantukin, teinak tampi a rak hmuhnak kong zong telhchihin a rak chim. Bishop i aa zuamnak thawngin Sanggau khrihfa biaknak cu `thangcho in a rak i thlen. Pope nih atu a `tuanlio mi Bishop i khuahmu khonak, thlarau lei laksawng, Tuukhal rian`tuan duhnak thinlung a `thawnnak, hruaitu thil tikhawhnak hna cu Sanggau Catholic biaknak kha milu zong a karh ter bantukin thiltikhawhnak zong a rak santer. Biakinn dawhdawh tampi zong a raksak khawh tiah a ti. Sanggau diocese cu Kalimantan ramkomh i nitlaklei, khualipi he (1553) km (kilometer) aa hlat. Sanggau ramkulh chungah milu (565600) an um. Khi hna chungin zatuak (55%) cu Kalimantan nitlaklei Sanggau le Sekadau hmun i Dayaks ah an um. Khi hna lakah zatuak (30%) cu Malay miphun, zatuak (7%) cu Tuluk, zatuak (3%) cu miphun dang hna an um. Sanggau diocese kha (8 June, 1982) ah an rak dirh thawk. Amah cu Pontianak Archbishop kuttang Bishop ukmi diocese a si.

            RVA calettu – Norbert Ca Ling

                   1July, 2022(Mon)

https://bit.ly/30Uykcl

Add new comment

8 + 1 =