Jerusalem caah ningcangnak a hal

POPE FRANCIS NIH JERUSALEM CAAH NINGCANGNAK A HAL
    Jerusalem lamngan hna i a cangmi thilhna kongah Pope Francis nih `tuanvo ngeitu phu pahnih hna kha `thihphaih tuahsernak hna ngei i a `thabik mi lam in tlangtlak fianter dingah a lancia zarhpi ni ahkhan a rak forhfial.
    Pope cu Jerusalem i a cangmi thil kha thinphang ngaiin ka hngah ko. `Thihphaih tuahsenak in siloin tonbiaruahnak in thil sican ning kha tlangtlak fianter khawh asi lai nak kong, khi hmun cu thlacamnak le daihnak hmun siko seh, cuve bangin pumpak pakhat cio zong nih hmunkhat tein tlangtlak fianter cio ding, cuti asi lawngah biaknak phunkip, nuphung phunkip a ngeimi a thiangmi khua cu upatnak a colai. Chuah`ti unau `tafar thinlungput hna a nung i a `thangchin lai. `Thihphaihnak cu `thihphaihnak lawng kha pehzulh in a chuahter, hnahnawh buainak a chuahtermi tuahsernak cu ngol a haucang tiah chim in thla a rak campiak.
    Atu a cangmi hnahnawhnak cu Muslim hna i ulhthla a donghni caan he aa tong celngel. Isarael mi hna cu Palestine hna nih phunglam ningin thlakhat chung a rau mi ulhcaan adih tik paoh ah an itonkhawmh tawnnak hmun kha an kham hnanak in a chuakmi asi. Asinain cu hnahnawh buainak cu a lancia zarh thawkin a hram an khoih`than. Avoihnihnak a cangmi thil canning ah cawn ninga le zarhte nihnih chungah Al-Aqsa le Jerusalem pawngkam in hliam tongmi zapi (136) tluk an rak si. Hliam tongmi tam-uak cu khaihriat kuan hna he an kah ruangah an mit le an hmai ah aa hliammi an tam tiah a ti.