Mithiang thar pahnih

Pope Francis nih mithiang thar pahnih a cawisan hna

October 09, 2022

Zarhpini, October 09 ah Pope Francis nih Rome khualipi, St. Peter tual ah Italy miphun pahnih cu mithiang ah a rak cawisan. Mithiang thar pawl cu Gio vanni Battista Scalabrini le Artemide Zatti an si.

1839 kum ah Italy ram Pavia ramṭhen i a chuaktu, Scalabrini cu the Missionaries of St. Charles dirtu asiloah the Scalabriniania ti in theih a tam ngai mi asi. Cubantukin America i an mission pawl a dawtnak ruangah mi minthang ngaimi asi.

         Khatta leiah Zatti cu 1880 kum Italay ah a ra chuak. A chung le pawl Argentina an ṭhawn hnu ah Patagoni ah Salesian mi sawhsawh in nurse a ra ṭuan.

Scalabrini cu rilipi tluan i hmunṭhial rianṭuantu pawl tlawngtu ahmasabik Italian Bishop asi.

Rilipi mipi caah adang tein hruaitu an herh ti a hmuh ruangah Scalabrini nih ṭih a nunngai mi, ceuhnak a herhngai mi khualtlawnnak ah anmah pawl zulh in kilveng ding cu a saduhthah mi a si.

Amah cu hramthawhnak hmun Italy in Americas phaktiang, hmunṭhial hna zohkenhtu Chapalin asi. The Scalabrinian Congregation dirh kum Nov. 28, 1887 in 34 kum a roh hnuah Stella Maris (Apostleship of the Sea) cu Scotland ram, Glasgow khuapi ah (Oct. 04, 1921) a chuak i rilip minung hna caah Bupi lei ṭuanvo ngeitu a ra cang.

Nihin ah Scalabrinians pawl nih vawleicung i tilawng dinhnak 14 (Africa, America, Asia le Urope) hna ah tilawng lawngcawng, nga tlaitu hna le anmah hna he aa pehtlaimi chungkhar hna kha an zohkhenh liopi asi i phu dirtu i ahrampi hmuhnak cu zumhawk talk tein an um.

         Hi thawngpang cu RVA English website in kan lak mi a si.

https://bit.ly/3TclWam