Pope Francis le President Joe Biden

Pope Francis le President Biden Vatican ah an i tong

October 29, 2021

Pope Fracis le president Joe Biden cu October 29 ni ah thanhcia mi bantukin Vatican ah tonbiaruahnak an ngei. President Joe Biden le a nupi Jill Biden cu a ventu mortow 85 vennak he Vatican ah an rak phanh. Amah nih G-20 Conference tuah hlante ah Pope he an i tongnak cu asi. Atu i an i tonnak cu Joe Biden president a si hnu i Pope he a hmaabik tonnak a si. White House in ruahnak petu mifim pawl, rian ngetu pawl cu President nih Pope Francis kha pakhat hnu pakhat in theih tenak a tuahpiak hna.

Joe Biden cu American tuahbia ah a pahnihnak Catholic Presidnt asi. Catholic pakhat asi bantukin Catholic biaknak he aa pehpar mi laksawng pakhat cu Pope Francis caah a rak put. Cu laksawng cu Washington DC i Thumkomh Pathian Biakinn in tuanbia ngeicia mi angki fual pakhat asi. Cu angki fual cu 1930 hrawng ah Jesuit pawl i an hmangbal mi rosung pakhat a si. Pope Francis zong nih a hnulei kamah St. Peter Basilica zuk aatelmi Marbal pakhat le cauk pakhat a pek ve.

“Aa tlak maw tlaklo ticu ka theilo, hi tangka fang cu American phungning ah president nih ralkap pawl le hotu minthang pawl a pektheu mi tangdang fang asi. Ka hmuhmi vialte lakah nangmah cu remdaihnak ca i aa zuamngaitu na si caah na duh asiahcun pek kan duh ko” tiah President Joe Biden nih a chimpah in tangka fang cu a pek.

Tangka phar i a hnulei ah Delaware remthen zuk a um. Cu ramthen ah Delaware i a fapa Beau, kum 49 cu 261 nak senhnih benh ralkap a tuanlio ah cancer zawtnak in a thih ruangah philhlonak rosung asinak kong kha Joe Biden nih Pope Francis kha a chimh. An i tonnak ah capau tete zong aa telpah ti asi. Pope he an i tondih hnu ah President nih Vatican upa Cardinal Pietro Parolinle Archbishop Paul Richard Gallagher hna he zong tonbiaruahnak an ngeih tiah thawng kan theih.

Hi thawngpang cu Rome Reports thawngpang in kan ngah mi a si.

Photo courtesy of ANSA