Siangbawi note pakhat kong

Blessed Bernard

Vawleipi raltuknak avoi hnihnak ah minung tampi nunnak a khamtu Siangbawi note pakhat cu duhpat awktlak pakhat asi tiah thanhnak

Catholic Bupi ah mithiangmi pakhat i cawisannak caah step (4) a herh.
1.    Pathian i sal a si tiah thanhnak (the Servant of God)
2.     Duhpat tlak asi thiah thanhnak (the Venerable)
3.    A thiangmi asi tiah thanhnak (Blessed)
4.    Mithiang asi tiah thanhnak (Saint) hna an si.

A rauhhlan teah duhpat awk a tlakmi asi tiah thanh asi mi Tlangbawi note pakhat cu (Bernard of the Mother of Beautiful) asi. Amah cu vawleipi ral avoi (2) nak ah daitein an umko buin ral‘that mi hna cazin chung i minkhumh asimi chungah aa telmi pakhat a si ve. A thihcaan ah amah cu kum (38) lawng asi i Poland ram ah a thi. Amah cu “Bawipa i Hma – the Passion) phu i tlangbawi pakhat a si. Vawlei ral (2) nak caanlio ah amah cu Poland ram ah daiziar tein a ummi asi. Amah cu mithiang pakhat i cawisan awkah amah kongkau hlathlaitu an phu i rianlatu Fr. Cristiano Massiomo Parisi nih a khawmhmi lak chungin cu tlangbawi cu vawlei ralpi (2) nak caanlio ah bom, kuan khenhmi, inn hna lakah a nung rihmi hna kha tuhmui, hmuizum le kala tuhmui hmanglo in a kutzung he a rawkmi thilhna lakah a kawltu asi. A thimi pawl zong kha Khrihfa phungning tein a rak vui. Thilo in thliamhma he a nung rih mi hna cu amah nih a put i sizung ah a rak kuat. Culawng siloin, a umnak siangbawi inn pawng i siinn hna bomphuak a si tik zongah amah i siangbawi inn kha sizungah a ser i mizaw pawl kha a kilven a zohkhen i a thlopbawl hna.

Amah cu thlarau lei he pehtlaimi ca tampi tialtu zong asi. Thlarau lei he pehtlaimi ca kan ti tiakah cauk chahchah tampi a tial tinak siloin nifate ca i thlarau lei ruahnak tha a lung chung ah a chuak tikah catlap/hnah cungah a tial i a chiah theo. Cu cahnah pawl cu Missa raithawinak biaktheng tangah a chiah tawn. A chiahmi cahnah hna cu a hmumi zumtu pakhatkhat nih an lak i an khumh tawn. Khuaruahhar pakhat asimi cu, cu ni ca i a `tialmi ca cu a hmutu caah amah ca timh in tialmi bantuk asi theo an ti. Amah a nunlio zongah anmah phu chungin mithiang pakhat ah a cangmi (St. Gabriel of Our Lady of Sorrow) he a lawh tiah an chim. 

Amah cu mino pawl zohkhentu mithiang pakhat asi. St. Gabriel siseh, amah siseh duhpat awktlak minung an si tiah an chim. An pahnih in upat awk tlak an si i mi nunnem le ziaza tha ngeimi an si. Hi pahnih hna cu hmunkhat i a ummi phu hna chung i a biapibik mi a si. Hi fimthiam thuhpuanh hna cu zumhnak, ruahchanhnak le dawtnak hna kha tha a thawnter.
 

Add new comment

1 + 1 =