Sister Pawl Nicaragua Ram In An `Thawl Hna

Nicaragua i Sister pawl

Nicaragua cozah nih Mother Theresa Missionary Sister pawl an ram in an chuah

President Ortega acozah nih an ramchung ah missionary rian`tuan Mother Theresa i Sister phu kha an ram in chuak dingah nawl a pek. Hi thanhnak cu 6 July in chuahmi a si. Acozah nih missionary Sister (18) kha anmah i hmun`thanchonak project tuahmi an lim tikah ram in `thawl an si. Cu Missionary pawl cu nunnak tlam a tlinlo mi. a niammi mibu abikin a damlo mi ngakchia pawl, kumtar pawl vennak rian`tuan mi phu an si.

Ramchung in `thawl an i huahmi Missionary (18) chungin India (7), Mexico (2), Spain (1), Ecuador (1), Guatemala (2), Vietnam (1), Philippines (2), Nicaragua (2) hna an si. Ram i `Thialnak le Ramdanglei Department’ palik hna fonhin Sister pawl kha an tlaih i Nicaragua he ramri aa pehnak Costa Rica ramri ah an thlah. Sister pawl cu ramri tan in Costa Rica ram i Missionary phu pakhat asimi Trimaran-Liberia ah an i dorlio pi asi.

Nicaragua ramchung ah acozah asilo mi (NGO) phu (100) renglo an um. Cuhna vialte zong a liamcia mi ni (2) ah atu lio i acozah nawl he khamh an si. 2018 kum thawkin khuami phu komh (858) cu nawl umlo in bawmhnak an pe cuahmah liopi asi tiah theih asi. Mother Theresa i Sister pawl cu ramchung ah missionary rian an `uannak hi kumhrabu (4) an si cang. Anmah nih tlaihhrem an tuar i fa a pawimi nungak pawl, hlawt a tuarmi nungak pawl, kumtling nungak pawl kha an zohkhenh. A harsa mi chungkhar hna i an fale fimcawn khawhnak ding caah tualleng sianginn pakhat an hun piak hna. Kum upa deuh pawl kha thazaang petu rawl an pek hna i tarpawl zohkhenhnak inn zong  hunpiak an si.

Thil a hungcang mi he pehtlaiin ‘phehthuh umloin hmuhnak le ziazaq `thalo inhmuarnak dohnak phu chungtel biachimpiaktu sihni Martha Patricia Molina Montenegro nih Sister pawl ramchungin chuahnak cu atulio acozah i phungah a lutlo mi adang chapmi tuahnak pakhat asinak kong, zeicahtiah Sister pawl umnak cu tayawin (ahmaan) ningin ummi an si i rammi hna le mibuphu hna zongnih hi tuahnak cu hrampi upadi he aa kaihlonak khong kha an thanh.

Costa Rica ram Tilaran Liberia i Bishop nih  Sisterte kha lungpanh tein a cohlang. Amah i a thanhmi chungah  Nicaragua ram i Bishop, Siangbawi pawl, Sister pawl le zumtu ulenau pawl caah  thla a campiaknak kong, Sister pawl i nunnak pek tiangin an i pekchanhnak, Chambaumi hna an rianhnak zong kha a upatnak kong, Mithiang Mother Theresa i thlacampiaknak zong a halnak kong hna kha a chim.

#Tlingdeuh in rel na duh ahcun a tang i link ah relkhawh asi

https://bit.ly/3cdB3A2

Add new comment

1 + 14 =