Biaktheng Hmetete

Inn Bia`theng

Cun Exo 30:8 ah “Aaron nih zanlei i mei a van hna zongah khan a khangh fawn lai. Hi zihmui khangh thawinak hi na tefa chan vialte tiangin ngol loin nan tuah zungzal lai” a timi kan hmuh caah cu tefa a simi RC hna nih zanih lai thla an cam tikah pha-zawngdan vannak kha an tefa chan tiang an tuah ve nak a si. Bible ningin “Aaron nih hin kumkhat ah voikhat in sualthianh thawinak kha a ki cungah hin a tuah lai. (Biak`theng tung a tluk lonak caah a si kho) Hmailei i a ra ding chan zongah hihi tuah hrimhrim awk a si lai,” (Exo 30:10) tiah Pathian nih a rak chim bangin, Catholic hna nih thilchia (khuachia) a `thawl khotu, cite le ticawh in Tlangbawi nih kutchuan in thluachuah a pekmi “Holy Water-Tithiang” in biak`theng in a thawk i innchung dihlak a theh i thluachuah a pek. ‘Tithiang’ kha biak`heng cungah a chiah. Innchungkhar hna zong tithiang a theh caah thilchia hna kha innchung in a `thawl dih i sualthawinak muisam in hman a si.
Cun Bible nih a chimmi cu, “Hi biak`heng cu a herh hringhran mi biak`theng a si,” ti kan hmuh. Hi Bible bangin Catholic hna nih an innchung dihlak ah an biak`theng kha Pathian caah a thiangbik hmun tiin an pekchanh. Hi thil cu Jerusalem Biakinn i a dangte a um i Tlangbawi hna lawng nih an luhkhawhnak, biakam kuang chiahnak a thiangbik khan (Holy of Holies) kha a zohchunh. RC biakinn hna tu ahcun nunnak changreu chiahnak “Bawipa Thisa inn” a si. “Phazaa sin-biak`theng” tiah auhnak cu Pathian umnak hmun “Yit palin” a chim duhnak a si. Cucaah a sunglawi a thiangbik, upat tlak mi Bible cauk kha biak`theng cungah an chiah cio. Phazaa sin-biak`theng cungah Jesuh zuk milem hna, Nu Mary zuk milem hna, Tithiang le biaknak lei cauk hna kha chiah a si. Budang hna nih RC pawl hi a herh lomi an tuah tiah an soisel tawn mi cu cunglei i Bible pawl hi an hmuh lo caah a si. Bible kha dikthliar in rel lo ahcun a biapi lo tiah ka ruah ko nain Pathian nih a duhtuk mi thil kha kan tuahmi a si. Kannih Catholic zong nih phazaasin-biak`heng kha upat hmaizah awk a herh.
Cu asicaah cunglei i langhter mi Bible hna kha dikthliar in kan zoh tikah Jesuh chuah hlan tein Pathian serter mi biakam kuang caah a herhmi tuahawk thil vialte kha Pathian nih Moses sinah a rak chimh cang. Cu biakam kuang chung i Pathian nawlbia pahra kha sunhsaknak in mei an van, biak`theng hmete hna an ser, cu thil hna kha sui in siseh, vancung mi cherubim milem tuahnak in `tamh awk lam hmuhsaknak in siseh, puanthan hna in siseh an `amhmawih. Cutin an tuahnak thawngin Israel mi hna cu Pathian thluachuah kha mithmuh in an tinco. Cu bangin Catholic nih Biakinn kha Pathian he pehtlai mi milem hna he an `tamhmawih. Bible thar chan a phak tikah Pathian cu minung caah a fapa Jesuh kha a rak thlah. Cu Khrih nih sualman a kan liampiak dih hnuah thihnak kha a tei i a Pa Pathian sinah a kir`than cang. Asinain amah cu a zultu hna sinin philhlo ding a kan kamhtak mi cu, “Kei cu vawlei caan dongh hlan tiang nan sinah ka um camcin lai,” tiah (Mt 28:20) ah a kan ti tak.

Add new comment

2 + 0 =