A luancia mi ah Thil a Kuaimi

KUM THONGKHAT PENNAK HMAI FA

Kum thongkhat pennak cu nihin ni ahhin a `thami fianter mi tawhfung, evengalist pawl hna le fundamental pawl hna lak pi ah a si. Hal Linsey i 1970 blockbuster, The Late, Great Planet Earth, cun caa lei rian kha a `tuan i, kan hnu kum sawmthum tluk ah cun, cauk a zuar kho bik mi pahnihnak ah aa chuah. Cauk an zuar mi, a hnubik an rel mi ah million copy 35 reng lo a si i holh phun sawmnga in an `tial. Lindsey cu aa lung hmuih ngai i Biathlam Bible i a fiangmi chimchungnak cu hmailei kum 1970 khua a deitertu zong a si lai, a ti. Biathlam a hmuh mi cu hawi he aa lo lomi hman thlak kha si kaw, mi tampi sinah le, hmun tampi ah, thil sining kha thawngah a thanh. Russia cu sa hrang a si, bianabia ah; Gog le Magog hna nih Soviet Union kha an hman. Lindsey nih hmailei ca a chimh mi ah Soviets (Russia) cu palestine ah a hung phan ko lai a ti. Asinain Jesuh a hung `tum lai i a thah dih hna lai i kumthongkhat pennak kha Jerusalem in a thok lai.

Lindsey lawng zong a si fawn loh. A ngaite, kum tlawmte chung cu, Amah he fek tein kan um- a khat lo mi a phunphun lakah ka um nain- hmailei ca i camp an chiahmi ah Biathlam cauk lettu ah ka cang ve lai. Hi camp um chungah hin, hna tla lo mi thil a chuak te lai i Biathlam cauk chung saram cu vawleicung hruaitu hna he ca an i kua lai i an i pehtlai te lai. Hmailei kong tuaktan a thiammi hna nih cun Khrihfa mi hna cu harnak le nganfahnak chungah an lut lai loh, ti kha an zumh, hi vawlei cungah a hnubik Khrih Pennak kum thongkhat pennak cu a phan ko lai. A cheu nih cun, cungcawinak (repture) timi kha a thar in an pom i an fianter mi cu khuaruahhar mi can dongh tik i a tlung dingmi chim chungnak kha a si. Cungcawinak chungah cun, an chim mi ah, Pathian nih amah mi a thim mi hna kha khawdawm in amah sinah a cawi hna lai, ti hi a si. (Thessalon 4:16-17) kha zohhmanh.

Hi ram car chungah hin ka pho peng asinain lungtlin khawhnak ka ngei hlei lo. Atu le atu in thil a hung cangmi ah, phung chimtu pakhat nih thil pakhat cungah bia a khiahmi kongah khan a si- bianabia ah, sahrang number- Biathlam cauk dihlak a rel mi nih khan number kong kha a si ning a chim lai i thawngtheih mi chungah khan mi pakhatkhat kha a um lai. Asinain 1970 kum chung le 1980 kum chung hna ah, vawlei hruaitu hna cu an tho i an tlu`than, cu pennak ti mi zong kha a cim i, hruaitu hna he khan an tlu, cuticun Siangpahrang pennak cu an tlu i, a dang aa sukhong i a rawkmi hna sining zong kha ka zoh chih.

Duhsah tein, a ping in khua kan rak hmuh mi zong kha fak deuh in hmuh ka vun i thok. John nih a hmuh mi can dongh lai thil hna hi Pathian nih hin a thaw a chuah hnawh taktak hnga maw, Bible ca ahhin dah hi tin a um peng hnga, hi thil cu thildang he aa lo lomi, fianter khawh lomi, kumzabu pakulnak caah cun a si- a caan a tlin hlan lo tiang biahalnak le bialehnak a phanh tiang. Sihlah, Biathlam cu langhter dingmi a si, i hi Biathlam hna cu zeitik can paoh ah Khrihfa mi vialte hna ca a si lai. Kumzabu pakhatnak i a rak i `tial mi ning tein a si ko lai.

A LUAN CIA MI AH THIL A KUAI MI

Hmailei kong a ruat a thei mi hna zong an i dang dih. Biathlam cauk chung i hmuhnak an ngeih mi zong ah khan an der thawmhlei lo. A cheu nih cun (thil`tha tuah a duh mi) tiah an ruah hna, cauk dihlak cu thlarau nun ngeih zuamnak caah hmelchunhnak a si. Midang hna nih cun caan donghnak a tlung dingmi kong a cung i an suaimi hna cu Khrihfa bu tuanbia ca i simanking (ruahchannak) a si an ti. Micheu nih an el mi hna ah hi cauk cu kumzabu pakhatnak i Khrihfa mi hna naingnganzi lei i sining kha a si an ti. Caan donghnak thil kong an `tial mi le an khumh mi ah, hi hmuhnak bantukin, zumtu hna kha forh awk le fektein zumhnak chungah an um khawh nakhnga le Khrihfa bu a serhsattu hna Pathian nih an phu a hlam te hna lai ti in forh kha a si. Hi bia elnak ah hin a `thathnemnak kha ka hmuh, a theihtlai ngai mi Bible ca caang hna an vun chim le bang ahcun, asinain John nih a chim mi bia aa funkor mi ah hin theih awkah ahohmanh an lung a tling lo.

Biathlam sul le lam kha ka vun cawn chin lengmang tikah, thim mi a um ek in ka theih chin lengmang, asinain a cauk pumpi kha cu a thei lo chin lengmang mi khi ka lo. Cun a dang kong hna zong kha kawl `than tikah aa thup mi lung mansung ah ka cang... a thup mi kan ti tikah mi pakhatkhat Bible ca a cawng lio mi hlaan phung in a kal mi kha cu kumzali lio ah a kir`than mi bantuk a si. 

Khrihfa bu i Siangbawi hna kong kha rel ka thok tikah, Khrihfa mi ca`tialtu hna le saya te hna, a hmasabik kumzabu pariatnak ah, le a hleicei in Bible ca kong a sullam an `tialnak ah, hi hna hi ka rel mi cu an si. Cun Siangbawi pawl nih ca an rel lengmang mi zong kha zeihmanh ka hngal lo, a suk in ka su, Biaknak phungah khan. Asianin, lungtho ngai in ka hmuh mi ah hi hlaan biaknak phung nih hin Apocalyps (caan dongh lainak kong) a um ek in theih awkah lung khahnak kha a pek hna. Hi tin an i hmuh tawnnak ah theih mi kha an ngei! Cun Siangbawipa nih Apocalypse kong a cawn mi a vun rel tikah, hi mitampi hna nih a fiang mi pehtlaihnak Missa raithawinak le Biathlam cauk ah khan an hmuh khawh mi kha ka hngalh. A ngaite kan ti ahcun tuan deuh Khrihfa mi tampi hna cu hihi pek an si cang: Biathlam cauk cu biaknak phung thawngin a `hen kha cu theih khawh a si.

Dal (1) nak ah ka langhter cang bangin, Mah hi cu Missa raithawinak kong cawn ka thok ka kha a si i, hi aa `tawn mi hmun tampi hna cu chikkhatte ah ka sin ah hmun a vun la. Sau a rauh hlan ah, Biathlam i biak`theng kha ka hmuh i ka theih (Biathlam 8:3), hi nih hin biaknak lei rian`tuantu pa hna kha puan a aih hna (4:4), Phazawngdan (1:12), rimhmui khangh mi (5:8), Manna (2:17), hrai (Ch, 16), Zarhpi ni Pathian biaknak (1:10), a biapi ngaimi thluachuak mi Ngaknu thiang Mary sin ah pek mi (12:1-6), Athiang, Athiang, Athiang, timi (4:8), Gloria (15:3-4), Vailamtah Hmelchunhnak (14:1), Alleluia (19:1,3,6), Bible cachung in relnak (ch 2-3) cun “Pathian Tuufa” (voitampi). Hi mi hna cu a kong an chimmi ah donkhaantu an si hna lo, asiloah thil tetuai a um ek in a cang mi; hi thil hna hi Apocalypse pawl nih an hman ngaimi thil an si hna.