Thaing Thlarau Pathian Kong

Thiang Thlarau Pathian

THIANG THLARAU PATHIAN I SINING HNA

1. ATHIANG MI ASINAK

Thiang Thlarau Pathian cu thiannak dihlak he a khat lawng siloin, thiannak dihlak i hrampi zong asi. Thiang Thlarau a min cu Thiannak asi (Ps 111:9)/ Amah cu thiannak Bawi (Santifier) asi. Lk. 1:35,46. 49 (1) ah a `ialmi cu “Vancungmi nih cun a leh i, Thiang Thlarau kha na cungah a phan lai i Pathian Fapa ti asi lai. Mary nih aa thawh i ka lungthin nih Pathian kha a thang`hat. Keimah a ka khamhtu Bawipa Pathian mi in ka thlarau cu aa lawmh. Bawia, a `hawngmi Pathian nih ka cungah khuaruah hartuk in rian a `uan. Cu Pathian i a min a thiang. (1) Saya Judson lehmi Kawl Bible ca tu ahcun Holy is His Name kha “Cu Pathian i a min cu upat awktlak asi” (Lk. 1:49) tiah a leh. Thiannak vialte bawi asimi Thiang Thlarau Pathian cu a thianglo mi thil fihnung he aa komh lo. Hi ruangah Thiang Thlarau umnak hmun cu a thiang, a thiangmi thil hna, sualnak `hatlonak hna kha thuhphanh khawh asilo. Muihnak i hmuhkhawh lomi thil pohpoh cu ceunak ah fiangtein an langh bantukin, Thiang Thlarau umnak hmun ah sual `hatlonak vialte cu thuhphenh khawh an silo. Cucaah Bawipa Jesuh nih a chimmi cu “Thiang Thlarau a rat tikah vawlei mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiangtein a hngalhter han lai” (Jn. 16:8). Thiang Thlarau Pathian cu kan `uanchuknak, sual `hatlonak hna le Pathian hmai i aa tlaklo kan sinak kha a kan theihter hmasabik. Kannih kha ruamkainak leiah a kan phakter lo. Asinain `umchuknak lungthin a kan ngeihter. ~umchuknak lungthin cu kan sualnak kha a kan cohlan ter i ngaihchihnak leiah a kan phawrh. Cuticun Thiang Thlarau cu thiannak leiah a kan phawrh. Pehzulh tein, `umchuk mi kan sinak kha zohin khuaruahhar veel hna le kannih cu a tlingmi Pathian hngatchanh in kan thinlung chungah fakpiin lunglawmhnak asiter i, cu bantuk veel a kan zaangfah mi Pathian kha thang`hat thiamnak lawm cawnpiak in lam a kan hruai. Thiang Thlarau he pehtlaihin a biapibik mi cu kannih kan sualnak le `umchuk mi sinak kha a kan hngalhternak asi. Phundangin cun, Pathian hmaiah mah sining kha sining tein theihnak thinlung a kan ngeihter i adikmi ngaihchihnak le lunglawmhnak kha hmunkhat teah asi ternak kha asi. Aruang cu athiang lomi thil pohpoh kha fiangtein a kan hmuhter caah asi. Khi ruangah Thiang Thlarau he a ton a komhmi, Thiang Thlarau laksawng a cotu timi cu sual ngaihchihnak le ngaihthiamnak (am. 2:28), mah pum `umchuknak lungthin le Pathian a h lung hlerhhlau in i lawmhnak, Pathian kha thinlung in thang`hat thiamnak le Pathian caah kuttongh tein nunnak kha an hmuh an cohlan lai.

Add new comment

7 + 2 =