Thlarau Zuamnak

Bible Hrilhfiahnak

Bible hrilfiah a thiammi Bupi
2.      Cathiang cu Pathian Sunparnak caah fiangfai loin a chimmi a si i Biathuk lawngte a si (cf; Phut. 25:2). Khrih Bupi chung i biathuk hi a ngan ngaingai ti cu al khawh lo mi a si (cf; 1Tim. 3:16). Theih ahar ngaimi Cathiang chungin Pathian bia le hla cu mihrut pawl nih cun aping le apang in an chim i rawhralnak ah an phan (cf; 2 Pet. 3:16). Cathiang chung i profet konglam hna cu kaltakin, Bible ca cu biatak tein an cawn i theih an ni zuamlen zongah an hrilhfiah kho hlei lo (cf; 2Pet. 1:20). Zeicahtiah cun vancungram biathuk theih khawhnak cu Jesuh thlahmi Lamkaltu hleihnih sin lawngah Jesuh nih a pek i midang a hohmanh a pek   hna lo ruangah a si (cf; Mt. 13:11). Cuticun Khrih tuahmi ‘Bupi’ (cf; Rom. 16:16) cu bia hmaan hramthawknak ‘Bupi’ a si caah  (cf; 1Tim. 3:15) a thukngai mi vancungram biathuk cu a tuchan ahhin Bupi sin lawngin theih khawh a si (cf; Efe. 3:10). Biathuk theih khawhnak ‘Bupi’ cu zei ‘Bupi’ dah a si ti cu Cathiang chungah fiangfai in chimlo in biathli ah a chiah `than. Kawl law na hmuh lai (cf; Mt. 7:7), a kawlning cu “Bible ca loin Jesuh a zummi Bupi a dirkho maw?” timi biahalnak hi hmaan tein na lehkhawh a si ahcun teitu a simi Bupi cu na hmuh lai.
Phut. 25:2     “Pathian sunparnak cu zeizong vialte fiangfai lo in an `tialmi hi a si.”
1Tim 3:16     “Kan biaknak chung i biathuk hi a ngan ngaingai mi a si ti cu ahohmanh nih el khawh lo mi a si.”
2Pet 3:16     “... a cakuat mi chungah bia, hla cheukhat a `tialmi cu theih a har ngaimi an si ruangah mihrut le mi chambau pawl nih cun cacaang a dangdang pawl a sullam an hrilhfiah sual lai bantukin aping le apang in an chim, cuticun anmah cung lila ah rawhralnak an tlunter.”
2Pet. 1:20     “... ahohmanh amah tein cathiang chung i profet biachim mi kha an fianter kho lai lo.”
Mt. 13:11     “… vancungram biathuk theihkhawhnak cu nan sinah pek a si cang, asinain zapi sinah cun pek a si lo...”
Rom 16:16     “… Khrih Bupi..”
1Tim. 3:15     “Pathian innchungkhar cu zungzal in a nungmi Pathian Bupi a si i cu Bupi cu zeizong vialte hramthawknak a si.”
Effe. 3:10     “Zeicaah tiahcun a thukmi le a Bupi thawngin Pathian fimnak kha ... atu chan ah hin tlamtling in an theihthiamnak ding caah a si.
Mt. 7:7     “kawl uh, nan hmuh lai.”

Add new comment

1 + 3 =