95 Theses chung i mi cheukhat

Tuu lak i Cenghngia

MINCHIA A KENGMI CHEUKHAT
Saya si duh pawl

54.    Pathian rian`tuan cheukhat cu piangtharnak bia le Thiang Thlarau bia hla lawng an chim zungzal i Saya si an duhtuk hringhran. A sinain Thiang Thlarau chan ah bu `then`thek chungah cun Thiang Thlarau a umlo i “thlarau thi” an si timi an theih lo ruangah anmah chimmi lila kha an theithiam ngaingai lo (cf; 1Tim. 1:7).
1Tim.1:7     “Pathian nawlbia cawnpiaktu saya si cu an duh, sihmanhsehlaw anmah chim mi bia lila kha a sullam an hngal lo i, a hngal ngai  bantuk khin an chim lengmang mi thil kong zong kha an hngal taktak fawn lo.”

Hlan chawm tuukhaal
56.    Pathian rian`tuantu cheukhat cu lah-khah ngah duhah an `tuan i lah-khah kaa za lo ti zong an chim `theu tawn. Harnak ton caan a silole, ngahnak tamdeuh an ton caan ah an tuu pawl an zamtak men hna, manphalh in a `tuan mi an si  ruangah hlan chawm tuukhaal an si (cf; Jn. 10:13).
Jn. 10:13     “Tuukhaal ngaingai a silo mi nih cun cenghnia a rat kha a hmuh tikah tuu kha a chiahtak i a zam ko, zeicah ti ahcun man phalh hlan mi men an si.”

Zeihmanh theihlo mi titer pawl
57.  
    Kan Bawipa Jesuh Khrih chim mi bia “Bupi pakhat lawng um seh” (cf; Jn. 17:11, 20-23) a ti mi le kan biaknak cawnpiaknak a simi Pa chan, Fapa chan le Thiang Thlarau chan ah Pathian dawtning phunthum cu aa thleng cang. Thiang Thlarau chan ahcun Lamkaltu hleihnih hna he aa pehmi Bupi pakhat chung lawngin, Jesuh zumh a herh ti mi he aa kaih lo caah Bu a biapi lo, Bu ah khamhnak a um lo ti in a cawnpiak lengmang mi hna cu zeihmanh a theilo mi mi titer pawl an si (cf; 1Tim. 6:3-4).
1Tim. 6:3-4     “Kan Bawipa Jesuh Khrih bia le kan biaknak phung nih a kan cawn piak mi he aa khat lomi cawnpiaknak phundang a cawnpiaktu hna poh cu porhlawtnak in an khat i zeihmanh a hngal `tung lo  mi an si.”

Damiah
58.
    Jesuh cu tuu luhnak innka asi (cf; Jn. 10:7) i innka tawh cu Peter sinah a pek (cf; Mt. 16:19). Peter nih tawh a on mi Bupi chung in si lo in bu `then`thek in tuu inn ah a lut duhmi hna cu mifir le damiah an si (cf;Jn 10:1).
Jn. 10:7    “Jesuh nih Kei cu tuu caah kutka ka si.”
Jn. 10:1    “Tuu kawm chungah innka in a lut lo i kaa dang in a kai in a kai mi cu mifir le damiah an si.”

Cenghngia hrang
59.
     Bupi chung i mi cheukhat hna cu anmah duhning in lamhruai khawhnak ding ah Bu `thennak an tuah. Cu hna pawl cu `tihnung ngai  mi cenghngia hrang an si (cf; Lam.20:29-30).
Lam. 20:29-30     “Ka kal hnu ah cenghngia hrang an ra lai....Nanmah bu chung lila zong hin mi acheu nih a zummi hna kha anmah lei hruai awkah lih an chim lai....”

Add new comment

2 + 0 =