VAWLEI HI ZEIHINDAH A HNINH

Kan editorial director, Andrea Tornielli nih, Pope Francis chimmi zawnruahnak nih “thil sining ṭha deuh in hmuh khawhnak a kan bawmh” timi bia kha a ruah ṭhan.

Andrea Tornielli nih a tialmi

Vawlei hi zeinihdah a hninh? Cheukhat nih sipuazi, cheukhat nih cun zatlang buainak, cheukhat nih theih duhnak an ngei rih, asiloah rian thar le hneksaknak tuah duhnak an ti men lai. Cheukhat nih dawtnak an ti men lai. A luancia kum sawmthum leng ahkhan, Argentina ram i tarnu pakhat nih culio Bishop Bergoglio sinah Pathian zaangfahnak cu vawlei a dirkamhtu lungpi a si tiah a rak ti, ("Bawipa nih zeizong vialte a ngaihthiam lo ahcun vawlei hi a um hnga lo"). Nihin ah Pope Francis nih vawleipi a mertertu "engine" tiah a zumhmi kha a langhter. Jakarta khua Cathedral in bia a chim lio ah, Pope nih "zaangfahnak thawngin langhtermi sifak bawmhnak" nih vawlei a kalter tiah a fianter. Zaangfahnak timi cu bawmh a herhmi hna sinah "anmah kha na zoh hna lioah" bawmhnak le zaangfahnak pek kha asilo, cu nakin vawlei cung ummi hna he pehtlaihnak taktak tuah awkah kun, cawisan le ruahchannak pek tinak a si tiah a ti. Cun, a herhmi hna dinfelnak le tlanhnak caah an mang saduhthah le an saduhthah cohlan, an rianṭuannak ah ṭhanchotertu le bawmchantu si tinak zong a si.

Mi cheukhat nih zawnruahnak kha an ṭih, tiah Rome Bishop nih a ti, "zeicahtiah derthawmnak ah an hmuh." Cu nakin, hlennak cu ziaza ṭha pakhat bantukin an thangṭhat, mi vialte he an i hlat buin anmah duhnak a kawlmi hna hlennak, zei thil paoh le ahohmanh nih " tawngh" an duh lo, cu nih cun an tinhmi tlinter awkah zalong deuh in a tuah hna lai tiah an zumh. Asinain hi cu, Pope nih a fianter ning ahcun, "ahmaan lomi hmuhnak lam a si." Zeicatiah "vawlei hi hmailei ah a kalpitu cu mah zawnruahnak tuaktannak a silo cucu a tlangpi in sermi thil a hrawh i zatlangbu a ṭhencheu—asinain amah le amah aa pemi zaangfahnak a si." "Zaangfahnak nih nunnak hmuhnak taktak kha a thuh lo; cu nakin, dawtnak ceunak in thil kha fiang deuh in hmuh khawhnak a kan bawmh."

Zaangfahnak cu Jesuh nih Thawngṭha cauk cahmai kipah a langhtermi a si: A taktak ah zeihmanh a ruat lo, asinain a lung a suk tuk, a tonmi hna tuanbia le an herhmi nih hliamhma a tuarter. Khatlei kam in, zeirel lonak nih, caan a hung rauh deuh tikah midang cungah lungfahnak ah aa thlengmi nih, zalong deuh in kan um tiah zumhnak a kan ngeihter. Asinain a taktak ahcun, cu nih duhsahtein minung hme (tlawm) deuh in a kan tuah. 

Vatican news in kan lakmi asi.