95 Theses chungin Fapa Chan

FAPA CHAN
Thlah mi
15.     Fapa chan cu Thawng`tha Bia (Gospel) chan a si. Pathian nih Jesuh cu vawlei ah a thlah tikah sunparnak a pek (cf; Jn. 8:42; 1:14). Jesuh cu vancungmi nih an kilven zungzal (cf; Mt. 4:10-11). Jesuh cu Thlarau huham `thawnnak a ngei dih tu a si. A hleice in, Thlarau huham pali a simi Tuukhaal, Lungpi, Tawhfung le Tlangbawi sinak a ngeitu a si.
Jn. 8:42        Jesuh nih ‘Pathian sin in ka ra; Amah thlahmi ka si’ tiah a ti.
Jn. 1:14    “Pa nih a Fapa ngeihchun sinah a pekmi sunparnak a si.”
Mt. 4:10-11    “Cutikah Jesuh nih ‘Satan chuak’ tiah a leh. Satan cu a chuak; cu hnu ah vancungmi pawl an ra i an tuamhlawm.”
(a) Tuukhaal
Jn. 10:11    Jesuh nih ‘Kei cu Tuukhaal `tha ka si’ a ti.
(b) Lungpi
1Cor. 10:4    “Cu Lungpi cu Krih a si.”
Tawhfung
Bia. 3:7 “Amah cu David Tawh ngeitu a si i innka a on mi cu ahohmanh nih an khar kho lai lo; a             khar mi cu ahohmanh nih an     ong kho lai lo.”
(d) Tlangbawi sinak
Heb. 8:6    “Tlangbawi rian`tuannak cu Jesuh sinah pek a si cang.”

Pathian zumhning aa thleng
16.    Tlangbawi sinak aa thlen caah, Fapa chan ah Pathian zumhning aa thleng ve. Pathian nih Jesuh a thlah ruang ah (cf; Jn. 7:20) Pa Pathian lawng zumh kha Pathian nih a duh ti lo. Pathian a zummi nih cun Jesuh zong a zumh ve a hau (cf; Jn. 14:1), zeiruangah ti ahcun, Jesuh zumh cu Pathian zumh a si (cf; Jn. 12:44). Pathian nih Jesuh cu nunnak  hrampi ah a ser cang caah, Fapa a zummi nih zungzal nunnak a ngeih (cf; Jn. 5:26; 3:36). Jesuh a upat lomi le a dotu cu Pathian a upat lomi  le a dotu an si ve (cf; Jn. 3:23; Lk. 10:16). Cucaah, Fapa chan ahcun Jesuh le Pathian kan zumh a herh. Zeiruangah ti ahcun, Jesuh sin in dah tilo cun ahohmanh Pa sin an phan kho lai lo (cf; Jn. 14:6).
Jn. 7:29    “Jesuh nih ‘amah nih a ka thlah i a sin in ka ra’...a ti.”
Jn. 14:1    “Jesuh nih ‘Pathian zum u law keimah zong ka zum u’ a ti.”
Jn. 12:44    “Jesuh nih cun ‘ahohmanh  keimah aa ka zum mi cu keimah aa ka zumh lawng si lo in aa ka thlahtu zumh ve a si’ a ti.”
Jn. 5:26    “Pa, amah hrimhrim cu nunnak  hram a si i cubantuk `thiam`thiam cun Fapa zong nunak hram ah a ser cang.”
Jn. 3:36     “Fapa a zummi  cu zungzal an nung lai.”
Jn. 5:23     “Ahohmanh Fapa a upat lo mi cu a thlahtu upat lo a si.”
Lk. 10:16     “Cun, keimah a ka hlawtu cu a ka thlahtu zong a hlawtu  asi”.
Jn. 14:6     “Keimah sin in dah ti lo cun ahohmanh ka Pa sin an phan kho lai lo.”
Pathian bia ngaihning aa thleng ve
17.     Tlangbawi sinak aa thlen caah, Fapa chan ah Pathian bia ngaihning zong aa thleng ve. Fapa bia ngaih cu Pathian bia ngaih a si. Pathian thlahmi Jesuh cu Pathian nih chim awk a fialmi lawnglawng a chim caah (cf; Jn. 8:28) Pathian nih “Fapa bia ngai u” tiah ati (cf; Lk. 9:28-35).  Cucaah, Jesuh  a dawmi paoh nihcun a cawnpiakmi an ngai (cf; Jn. 14:23). Pathian ta a silo mi cu Jesuh bia an ngai duhlo (cf; Jn. 8:47) i nunnak zong an ngei lo. Cupinah, Pathian hremnak an tuar lai (cf; Jn. 3:36).
    Jesuh nih; ‘Pathian bia ngaihning aa thleng cang’ a timi chung in zoh chih awk ah; Pa chan ah nupi maak le nupi tampi ngeih a ngah nain, Fapa chan ah Jesuh nih a duh lo (cf; Mk. 10:2-12). Jesuh nih phuhlam le teiralrulh zong a kham leng ah, “nan ral va daw hna u law thla va cam piak hna u, nan biang an bengh hna ahcun khatlei kam hei chit rih hna u” tiah a ti (cf; Mt. 5:38-44). Cun Thawng`thabia Gospel (Mathai, Mark, Luke, John) pawl cu Jesuh  cawnpiaknak lawngte an si.
Jn. 8:28    “Ka pa nih chim awk aa ka fialmi lawng ka chim.”
Lk. 9:28-35    Cun minmei chung in ‘hi  Pa hi ka dawtbik mi a si, a bia ngai u’ a run ti.
Jn. 14:23    Jesuh nih ‘a ka dawmi nih cun kan cawnpiak mi hna an zulh lai’ a ti.

Jn. 14:23    Jesuh nih ‘a ka dawmi nih cun kan cawnpiak mi hna an zulh lai’ a ti.
Jn. 8:47     “Pathian sin in a rami nan silo ruangah a bia cu nan ngaiduh lai  lo.”
Jn. 3:36     “Fapa bia a el-mi cu nunnak a ngei lai lo i a cungah Pathian dantatnak a tlung lai.”
Mk. 10:2-12    “Annih nih ‘Moses nih cun nupi maaknak ca nan i ken lai i nan maak khawh tiah a ti’ tiah an leh. Jesuh nih ‘Pathian nih a komh cia mi cu ahohmanh nih `then hna hlah seh. Pa nih nupi a maak i nu dang a `thit ahcun sualnak a tuah; nu nih a va kaltak in pa dang a`thit ahcun  sualnak a tuah’ tiah a ti.”
Mt. 5:38-44    “Mit caah mit, ha caah ha ticu nan theih. Asinain keinih cun phulei cham hlah u! mi pakhat nih na orh lei biang an bengh ahcun na kehlei biang va chit lawlaw ko. Nan ral pawl va daw u law, an hremtu hna caah thla va cam piak hna u.”
Pathian biakning aa thleng
18.     Pa chan i raithawinak hlun cu Pathian nih a hlawt i Khrih raithawinak a chiah cang caah Pathian biakning aa thleng cang (cf; Heb. 10:9). Khrih cu Tlangbawi rian`tuan ding in a rat tikah, (cf; Heb. 9:11) Thlangbawi dang bantukin saram thisen thlet lo in Amah thisen a thlet i Kalvary tlang ah amah nunnak a pek i zungzal ca in raithawinak voikhat lawng a pek. Cuticun kan caah rualremnak a tuah (cf; Heb. 9:12;  7:27).
Heb. 10:9    “Pathian nih raithawinak hlun kha a hlawt i, Khrih raithawinak kha a chiah.”
Heb. 9:11    “Khrih cu Tlangbawi ngan siding in a ra cang.”
Heb. 9:12    “Khrih cu amah thisen tu kha a thlet i kan caah  zungzal rualremnak a tuah cang.”
Heb. 7:27    “Anih cu raithawinak veikhat lawng a pek, zungzal cain amah nunnak kha a pekmi a si.”
Bu ah Khamhnak a umlo
19.     Fapa chan ah, sual ngaihthiam khawhnak bia cu Pathian thlahmi Jesuh sin lawngah a pek (cf; Mt. 9:6). Khamhtu Jesuh cu amah pumpak in vawlei cungah a um i misual a ngaihthiam hna ruangah Bu a herh lo. Bu a biapi lo i Bu ah Khamhnak a umlo. Jesuh zumtu pawl cu sual ngaichihnak he Jesuh sin an panh tikah Jesuh nih an sualnak a ngaihthiam hna i vanram an co.
Zohchunh awkah:-
    Mizengpa sinah “na sualnak ngaihthiam a si cang” tiah a ti (cf; Mt. 9:2). Vailamtah orhlei kam i misual pa zong a sualnak a ngaihthiam i Jesuh nih vanram a co ter (cf; Lk. 23:40-43). Johan sin zongah Jesuh nih Bu a biapi lo timi bia a chim (cf; Mk. 9:38). Jesuh a thih hnu a hnak fei in an chunh hlan tiang, a thisen in Bupi cu a cawk rih lo caah Fapa chan ah hin Bupi ah  Khamhnak a um lo (cf;Jn. 19:33-34).
Mt. 9:6    “Mi fapa nih hi vawlei ah misual ngaihthiamnak nawl a ngei”.
Mt. 9:2    “Zumhnak a ngeih zia kha Jesuh nih a hmuh tikah mizengpa cu ‘na sualnak ngaihthiam a si cang’ tiah a ti.”
Lk. 23:40-43    “Jesuh nih cu pa cu ‘Ni hin ah Keimah he Paradise ah na  um lai’ tiah a ti.”
Mk. 9:38-40    “Johan nih ‘sayapa, na min in khuachia a `thawltu  mi pakhat kan hmuh i kan bu chungmi asilo caah kan kham lai maw’ tiah a ti.  Jesuh nih ‘kham hlah u, Ka min in khuaruahhar thil a tuahtu nihcun a kan thangchiat lai lo, zeicaah ti ahcun a kan do lo mi cu kan lei an si ko’ tiah a ti.”
Fapa chan adih
20.     Jesuh cu thihnak in a thawh`than hnu ah ni (40) chung a zultu hna sin ah a um i (cf; Lam. 1:3) “Thiang Thlarau in kan umpi zungzal hna lai” (cf; Mt. 28:20) tiah bia a cah tak hna hnu ah vancung ah a kai i Fapa chan a dih (cf; Lk. 24:51).
Lam.1:2-3    “Vancung i a kal hlan ahkhan a Lamkaltu caah a thimmi hna kha Thiang Thlarau in a cawnpiak hna. A thihhnu ah ni (40) chung an sin ah voitampi a lang.”
Mt. 28:20     Caan dongh hlan tiang nan sinah ka um zungzal lai tiah a ti.
Lk. 24:51     “Cuticun an sin in a chuak i vancung ah a kai.”
Fapa chan Bu `then`thek cawnpiaknak
21.     Pathian thlahmi Jesuh he pumkhat sinak changreu ei duhlo in,  `then`theknak a tuahtu Judas Iskariot cu Jesuh a zamtak (cf; Jn. 13:30)  ruangah a paw a kuai i a ril pawt in a thi (cf; Lam. 1:18). Pathian an zumhtuk nain Jesuh cohlan duh lo in a zum lomi  Farisi pawl cu vanram an hmu kho lo (cf; Mt. 12:23-31).
Jn. 13:30    “Judas nih Jesuh pekmi changreu a lak i chikhatte ah a chuak. Cu caan cu zaan a si cang.”
Lam. 1:18    “Judas nih thil `thalo a tuahmi man in lo pakhat a cawk i  cu lo chung ahcun aa awk i a thi, a chung ril vialte a pawt dih.”
Mt. 12:23-31    “Cu kong cu Farasi  pawl nih an theih tikah, ‘Khuachia a `thawl khawhnak cu khuachia bawipa Belzabul nih huham a pek ruangah a si’ an ti.  An ruahnak kha Jesuh nih a theih tikah, ‘Thiang Thlarau a ralchantu cu ngaihthiam an si lai lo’ tiah a ti.”

#Kan peh`than lai

 

Add new comment

9 + 4 =